(3): அரசை உருப்படியாக வேலை செய்ய வைக்க...

---

---

Innamburan S.Soundararajan	Sat, May 18, 2013 at 4:11 PM
(3): அரசை உருப்படியாக வேலை செய்ய வைக்க... முன்குறிப்பு: இந்த தொடர், ஒரு சிக்கலான கேள்வியை ஒவ்வொருவர் அணுகும் முறையை அவதானிப்பது. இழைகள் தொடர்பு உடையவை. உரிய நேரத்தில் அப்டேட் செய்யப்படும். சித்திரத்துக்கு நன்றி: http://i.ytimg.com/vi/vI3fJ4KvrsE/0.jpg இன்னம்பூரான் 19 05 2013 * கொடுமை என்னவெனில் சுதந்திர நாடுகளாகக் கருதப்படும் ஜனநாயக நாடுகளிலும் மக்க்ளுக்கு உண்மையான் சுதந்திரம் இல்லை! ஜனநாயகம் என்று பேச்சளவில் இருந்தாலும் உண்மையில் வாரிசத்துவம் தான் நிலையாக் உள்ளது. வீணாக்காப்படும் மக்கள் செல்வம் அதிகமாகியுள்ளது (சேது சமுத்திரத் திட்டம் ஒரு மாபெறும் உதாரணம்) எல்லா நிர்வாகங்களும் - சோஷலிஸம், முதலாளித்துவம், கலந்து கட்டி, தனியார் ஏகாதிபத்தியம், மக்களாட்சி, சர்வாதிகாரம், தவறுகள் இழைக்கின்றன என்பதும், அவற்ரில் ஆங்காங்கே எல்லாமுறைகளிலும் (சர்வாதிகாரம் தவிர) நன்முத்துக்கள் அரிதாக இருக்கின்றன என்பது தான் வரலாறு. இது மனிதனின் பலவீனம். மிக நன்றாகச் சொன்னீர்கள்! நரசய்யா * கொடுமை என்னவெனில் சுதந்திர நாடுகளாகக் கருதப்படும் ஜனநாயக நாடுகளிலும் மக்களுக்கு உண்மையான் சுத்ந்திரம் இல்லை! ஜனநாயகம் என்று பேச்சளவில் இருந்தாலும் உண்மையில் வாரிசத்துவம் தான் நிலையாக உள்ளது.  A family centric society will always have this & there shall be general acceptance among public seeing a Child growing under the shadow of his father. May it be politics, business or anything. Only the working for wage class stands apart.  There is nothing wrong in Rajiv following Indira, Stalin following Karuna provided they earn it in the way their parents did. My only concern is why people like our CM could not understand this when it come to Temples priests :-) Sri Ramadoss M * எப்போது  மக்கள்  தங்களின் அடிப்படைத் தேவைகளை தம்மை ஆளும் அரசாங்கம் ஏற்படுத்தித் தரவேண்டும் தாம் கொடுக்கும் வரிப்பணம்  மக்களுக்கும்  நாட்டு முன்னேற்றத்துக்கும்  உபயோகப்படுத்தப்படல்வேண்டும் தனியார் கொள்ளையடிப்பதை தட்டிக் கேட்கவேண்டும்  என்னும் விழிப்புணர்வைப் பெறுகிறார்களோ அந்த நாடுதான் முன்னேற்றப் பாதையை நோக்கிச் செல்லும் அனியாயத்தை  தட்டிக் கேட்க துணிவில்லாத  மக்கள்  இருக்கும் வரை  நாடு அராஜக  அக்ரமக்காரகளின் கையில்  சிக்கி சீரழியும் மக்கள் விழிப்புணர்வு பெறவேண்டும் அப்போதுதான் அது ஜனநாயகமோ  ,சோஷலிசமோ  எதுவோ        மக்களின் வாழ்க்கை  செழிப்பு பெறும் அன்புடன் தமிழ்த்தேனீ * இன்னம்புரான், அரசாங்கங்கள் ஒரு நாட்டை நிர்வகிப்பதில் உள்ள திறமைக் குறைவைச் சுட்டித்தானே உங்கள் கட்டுரை அமைகிறது? அதை மேலும் உறுதிப்படுத்தவே நான் எழுதினேன். "பிரிட்டிஷ் மாதிரியிலான அரசு" என நான் கூறியது பிரிட்டிஷ் பீரோகிரசியை வரித்துக் கொண்ட முன்னாள் காலனித்துவ அரசுகள்: இந்தியா, மலேசியா, பாக்கிஸ்தான் இன்ன பிற. இந்த பீரோகிரசிதான் திறமையின்மையின் மூலம். அதுவே பணவிரயத்துக்கும் ஊழலுக்கும் வழிவகுக்கிறது. இதற்கு மாற்றாகத்தான் கேப்பிட்டலிசமும் தாராளமயப் பொருளாதாரமும் நமக்குத் தந்த தனியார் துறை வருகிறது. தனியார் துறை ஊழலற்றதல்ல. அதற்குத்தான் அரசாங்க மேலாண்மை அதனை எந்த நாளும் கண்காணித்துக் கொண்டிருக்க வேண்டியிருக்கிறது. ஊழல் இருந்தாலும் தனது சேவைகளை வெற்றிகரமாக வழங்குவது தனியார் துறைதான். அரசாங்கமே சேவையை முன்வழங்க வரும்போது சேவையும் திறமையாக அமைவதில்லை; ஊழலும் பெருகுகிறது. "எல்லா நிர்வாகங்களும் - சோஷலிஸம், முதலாளித்துவம், கலந்து கட்டி, தனியார் ஏகாதிபத்தியம், மக்களாட்சி, சர்வாதிகாரம், தவறுகள் இழைக்கின்றன என்பதும்,அவற்றில் ஆங்காங்கே எல்லாமுறைகளிலும் (சர்வாதிகாரம் தவிர) நன்முத்துக்கள் அரிதாக இருக்கின்றன என்பது தான் வரலாறு. இது மனிதனின் பலவீனம்." ஒப்புக் கொள்ள வேண்டிய கருத்து. ஆனால் "சர்வாதிகாரத்துக்கு" ஏன் விதிவிலக்கு அளித்தீர்களோ தெரியவில்லை.  ரஷ்ய சர்வாதிகாரமாக இருந்தாலும், ஆப்பிரிக்க பூர்வகுடிச் சர்வாதிகாரமாக இருந்தாலும் ஊழல்கள் இருக்கவே செய்கின்றன. மக்களாட்சிச் சர்வாதிகாரம் என்று கூறக்கூடிய சிங்கப்பூர் மட்டுமே ஊழல்கள் இல்லாத முறையாக இருக்கிறது. தனியார் மயத்தில் உள்ள இலாப நோக்கு திறமையின் உந்துசக்திகளில் மிகச் சிறந்தது. இதில் போட்டியும் இருக்க வேண்டும். Monopoly கூடாது. ஆகவே தண்ணீர் வழங்குவதானாலும், சாலை போடுவதானாலும் ஒன்றுக்கு மேற்பட்ட நிறுவனங்களுக்கு வாய்ப்புத் தரவேண்டும். நிச்சயமாக தரமானது வெல்லும். இப்படிப்பட்ட போட்டி இல்லாததுதான் அரசாங்கச் சேவைத் துறைகள் அசட்டையாகவும் அலட்சியமாகவும் இருந்து திறமையின்மையைப் பெருக்கிக் கொள்ளும் காரணம்.  ஏன் இந்தியாவில் தனியார் துறை வந்தால் "விழுங்கிவிடும்" என்ற கருத்து இருக்கிறது? சரியான கண்காணிப்பு, விதிமுறைகள் இருந்தால் தனியார் துறையின் சேவை சிறப்பாக இருக்கும். அரசாங்கம் தருவது போன்ற மலிவான சேவையை அவை வழங்கா என்பது தெளிவு. திறமான சேவைக்குரிய விலையைக் கொடுக்க மக்களும் தயாராக வேண்டும். நீங்கள் சொல்லும் மருத்துவ சிகிச்சை காப்பீடு பற்றி எனக்கு அதிகம் தெரியாது. எங்கள் நாட்டில் தனியார் நிறுவனங்கள் வழங்கும் மருத்துவக் காப்பீடுகள் நன்றாகவே செயல் படுகின்றன. சிங்கப்பூரில் கட்டாயக் காப்புறுதித் திட்டம் நன்றாகவே செயல் படுகிறது. அமெரிக்காவில் ஒபாமா கொண்டுவரும் கட்டாயக் காப்புறுதித் திட்டத்திலும் நன்மைகளே அதிகம் உள்ளன. தனியார் மயத்துக்கு மக்களின் ஆரம்ப கட்ட எதிர்ப்பு எதிர்பார்க்கக் கூடியதே. சேவையின் விலை உயரும் என்பதே முதல் ஆட்சேபமாக இருக்கும். அதற்கேற்ப சேவையின் தரமும் உயரும் என்பதைப் புரிந்து கொள்ள கொஞ்ச நாளாகும். ஆனால் எல்லா முறைகளிலும் அடிமட்ட மக்களையே முதன்மையாக வைத்துச் சிந்தித்தால் அவர்களுக்கு ஏற்படும் சிரமங்களையும் பின்னடைவுகளையும் முதன்மைப் படுத்தினால், எந்தத் துறையும் முன்னேற முடியாது. நடுத்தர வர்க்கத்தின் நலன்களை முதன்மைப் படுத்தும் திட்டங்களை வகுத்துச் செயல் படுத்தினால், அதனால் ஏற்படும் முன்னேற்றம், ஏழைகளையும் (கொஞ்சம் தாமதமானாலும்) வந்தடையும். அதோடு அரசு தனது வருமானத்தைப் பயன் படுத்தி ஒரு பாதுகாப்பு வலையையும் அவர்களுக்கு ஏற்படுத்தித் தரவேண்டும் (இலவச அடிப்படை மருத்துவச் சேவை, ரேஷன் கார்டு போன்றவை). ரெ.கா. * இன்னம்புரான், அரசாங்கங்கள் ஒரு நாட்டை நிர்வகிப்பதில் உள்ள திறமைக் குறைவைச் சுட்டித்தானே உங்கள் கட்டுரை அமைகிறது? அதை மேலும் உறுதிப்படுத்தவே நான் எழுதினேன். அரசு நிறுவனங்கள் சரியாக வேலை செய்யாமல் இருக்க தனியாரும் ஒரு காரணம். உதாரணமாக பிஎஸென்னல் G3 தொழில் நுட்ப உரிமம் பெற்று பல மாதங்கள் ஆகின்றன. இன்னும் சேவை சில நகரங்களுக்கு மட்டுமே! இதற்கு அவர்கள் மெத்தனம் மட்டுமே காரணமல்ல.  திவாஜி * பிஎஸ் என் எல் தனியாரோடு போட்டி போட முடியாமல் திணறுகிறது என்று சொல்லலாம், அதற்கு மோசமான அமைச்சகமும் காரணம் என்பது வெளிப்படை. கடந்த மூன்றாண்டுகளில் தட்டுத்தடுமாறி நடை போடுகிறது பி எஸ் என் எல். என்றாலும் மத்திய அரசு இதைப் பற்றிக் கவலைப்படவில்லை. நேற்று சபரிமலை நேரடி ஒளிபரப்பையே எடுத்துக் கொண்டால், பொதிகை சானல் நன்றாக நிகழ்ச்சியை ஒளிபரப்ப முயன்றாலும் முடியவில்லை. ஒரே கோடு கோடாக, புள்ளி புள்ளியாகத் திரை, அதே தனியார் சானல்களில் பளிச்சோ பளிச். அப்புறம் தூரதர்ஷன் பாரதி கொஞ்சம் பரவாயில்லாமல் வந்தது. பொதிகையின் நிகழ்ச்சிகள் நல்ல ஆக்கபூர்வமாய் வந்தாலும் தனியார் தொலைக்காட்சிகளின் நெடுந்தொடர்களுக்கு முன்னால் போட்டி போட முடியவில்லை. பிஎஸ் என் எல்லுக்கும் அதே பிரச்னை! * நரசய்யா, 'வாரிசத்துவம்' நல்ல சொல். என்ன செய்யலாம், ஊழல் இல்லாத நாடு என்று பெயர் பெற்ற சிங்கப்பூரிலும் வாரிசித்துவம்தான் ஆளுகிறது. ஆளும் குடும்பங்கள் பல இருக்கின்றன உலகில். மலேசியப் பிரதமர் நஜீப்பின் தந்தை இரண்டு தவணைகளுக்கு முன் பிரதமராக இருந்தவர். ஜியார்ஜ் புஷ்ஷின் அதிபராட்சியையும் வாரிசத்துவம் என்று சொல்லலாமா? ஒரு வேளை முறையான தகுதிகள் இல்லாமல் பதவிக்கு வருபவரைத்தான் அப்படிச் சொல்லமுடியும் போலும். ஒரு தவணை இன்னொருவர் இருந்தபின் பதவிக்கு வருபவரை அப்படிச் சொல்ல முடியாது. ரெ.கா. * அரசியலில்  அன்றிலிருந்து  இன்று வரை  வாரிசுகளே  தொடர்கின்றன அதில் தவறு இல்லை அரசியலில் மட்டுமல்ல அனைத்து துறைகளிலும்  வாரிசுகள்தான்  வரமுடிகிறது ஆனால்  வாரிசுகள்  வந்தாலும்    வருவதற்கு வேண்டுமானால்   அது உதவுமே தவிற திறமை  இல்லாவிடில்      நிலைக்க முடியாது ஆனால் அரசியலில் மட்டும் தான்   திறமை  இல்லாத போதும் மற்ற  அராஜக்ங்கள் செய்து   நிலைக்க முடிகிறது அன்புடன் தமிழ்த்தேனீ * ரெ. கா கவனத்திற்கு:  எனது கட்டுரை ஒன்று ஹிந்துவில் வெளியானது வாரிசத்துவத்தைப்பற்றி விளக்கியது பார்க்கவும் http://www.hindu.com/op/2009/05/31/stories/2009053150011400.htm நரசய்யா _______________________________________________________________________________________________ (தொடரும்)   (4):அரசை உருப்படியாக வேலை செய்ய வைக்க... http://innamburan.blogspot.co.uk http://innamburan.blogspot.de/view/magazine www.olitamizh.com

அரசை உருப்படியாக வேலை செய்ய வைக்க....(1)

---

அரசை உருப்படியாக வேலை செய்ய வைக்க....(1)

---

Innamburan S.Soundararajan	Fri, May 17, 2013 at 4:56 PM
அரசை உருப்படியாக வேலை செய்ய வைக்க....(1) முன்குறிப்பு: கிட்டத்தட்ட முப்பது மாதங்களுக்கு முன் திரு. வாசுதேவன் அவர்களால் தொடங்கப்பட்ட இந்த இழை, 'தணிக்கைத்துறையின் தணியா வேகத்தின்' கிளை. பல சான்றோர்கள், மனம் திறந்து, திசை மாற்றாமல் அளவளாவிய இழை. இது இந்தியாவை மட்டுமல்ல, உலகின் மற்ற துரைத்தனத்தாரின் போக்கை உற்று நோக்குவது. வழக்கம் போல் நூல் முடிச்சுப்போட்டுக்கொண்டு, தங்கி விட்டது. தற்கால அரசியல் நிலையை, குறிப்பாக இந்தியாவின் வரும் தேர்தலை நினைக்கும்போது விழிப்புணர்ச்சி அவசரத்தேவை. எனவே, இவ்விதழின் மிச்சபகுதிகளை வலையேற்றிய பிறகு, சிந்தனைகள் தொடரலாம். சித்திரத்துக்கு நன்றி இன்னம்பூரான் 17 05 2013 ____________________________________________________________ Tirumurti Vasudevan  1/13/10 ஆமாம். வெகு நாட்களாக இருக்கிற ஆதங்கம். அரசை உருப்படியாக வேலை செய்ய வைக்க சட்ட வழி முறைகளே இல்லையா? உங்கள் பதிவுகளில் குறுக்கிடுவதற்கு மன்னிக்கவும். வேறு இழையாக இதை பிரித்து கொண்டு போகிறேன். திவாஜி 2010/1/13 Innamburan Innamburan  திவாஜி விடுவதாக இல்லை. Innamburan Innamburan <innamburan@googlemail.com> 1/13/10 திவாஜி, ,'எள்' என்றால் எண்ணெய்! இழை பிரிக்கவேண்டும் என நினைத்தேன். செய்து விட்டீர்கள்! இங்கு இந்த வினாவே தொடக்கம். . அரசை உருப்படியாக வேலை செய்ய வைக்க அரசியல் சாசனம் வழி வகுத்துள்ளது. அந்தந்த செயல்களுக்கு அந்தந்த சட்டம் உண்டு; தண்டனை உண்டு. சான்றாக, சிறார்களையும், சிறுமிகளையும் வேலை வாங்கக்கூடாது, சட்டப்படி.  மற்றொரு சட்டம் அவர்களுக்கு கட்டாய கல்வி என்கிறது. நடப்பது நாம் அறிந்ததே. ௧. மக்கள் சட்டத்தை மதிப்பதில்லை. ௨. அரசு சட்டத்தின் சாட்டையை வீசுவதில்லை. ௩.நீதித்துறையை என்ன செய்வார்கள் என்று சொல்ல முடியாது. ௪. நிர்வாகம் தடம் மாறும் போது பொதுநல வழக்கு, தகவல் உரிமை சட்டம், ஆகியவை அரசை உருப்படியாக வேலை செய்ய வைக்க விரட்டலாம். சட்டம் மற்றவகையில் உதவாது, அதனுடைய பயன் வேறு. இவையெல்லாம் புதியவை. அறுபது வருடங்ககளுக்கு முன்னாள், திரு வசந்த பை என்ற வழக்கறிஞர் தவறுகளை தட்டிக்கேட்டு நீதிமன்றத்தையே, ஒரு  ஆட்டு ஆட்டி வைத்தார். ௫.  அரசை உருப்படியாக வேலை செய்ய, அரசியல் வாதிகள் தன்னலம் அற்றவர்களாகவும்,சர்தார் படேல் போல திறன் படைத்தவர்களாக இருக்கவேண்டும். அது மக்களாட்சியில் துர்லபம். சர்வாதிகாரமோ கொடியது. ௬. அதிகாரிகளுக்கும், ஊழியர்களுக்கும் கட்டுப்பாடான விதிமுறைகள் உள்ளன.    கண்டு கொள்பவர்கள் இல்லை. ௭. எனவே, விழுப்புணர்ச்சி, போராட்டம் என்றெல்லாம் ஆரம்பிக்க ஹேது உண்டு. வரலாறும் அதையே கூறுகிறது. இன்னம்பூரான் Tirumurti Vasudevan  1/13/10 அரசு மதிச்சாத்தானே மக்கள் மதிக்க? அரசே சட்டத்தை மதிக்காது, கோர்ட் உத்திரவை அமல் படுத்தாது ன்னா என்ன் மக்கள் செய்வாங்க? அதான் கேக்கிறேன், அரசு தன் கடமையை செய்ய வேண்டும்ன்னு கேஸ் போட முடியுமா முடியாதா? ஆர்தர் ஹெய்லி யோட ஹைப்லேசஸ் லே அப்படி கனடிய (?ப்ரிட்டிஷ்?) சட்டத்தில் இடம் உண்டுன்னு படிச்ச நினைவு. நினைவென்ன, படிச்சேன் நிச்சயமா. Innamburan Innamburan <innamburan@googlemail.com> 1/13/10 திவாஜி, ஆர்தர் ஹெய்லி யோட ஹைப்லேசஸ் கற்பனை நூல் எனினும்,  அதன் பின்ணணியில் ஆய்வு இருந்தது. 1960ல் அது எழுதப்பட்டபோது, அப்படி சட்டம் ஒன்றும் இல்லை; பிறகும் இல்லை. ஆனால், அந்தந்த சட்டங்களை மக்கள் கையாண்டார்கள் வெற்றியோடு. 'டார்ட்' சட்டம் இங்கிலாந்தில் வேரூன்றியிருந்தது. ஒரு ப்ராம் வண்டியில் இருந்த கம்பியானால் அமைந்த வசதி, தவறாக இணைக்கப்பட்டிருந்த்ததால், குழந்தையின் கண்ணை குத்தி விட்டது. வழக்கில், அதை விற்றவரும், உருவாக்கிய கம்பெனியும், பளுவான நஷ்டஈடு கொடுக்க  தீர்ப்பு. இந்தியாவில் 'ஏன் 'டார்ட்' பற்றி பேசமாட்டேன் என்கிறார்கள் என்பது மர்மம்.பட்டாசு கம்பேனி சட்டத்தை மீறினால்  ஏற்படும் சாவுக்கு வரிப்பணத்த ஏன் கொடுக்கவேண்டும்? அவனிடம் பிடுங்க வேண்டியது தானே? As John Stuart Mill put it, "Vigilance is the price of Liberty." இங்கிலாந்தில் விழிப்புணர்ச்சி அதிகம்; வெல்ஃபேர் ஸ்டேட் அல்லவா. நான் ஐந்து வருடங்கள் இங்கு மக்கள் ஆலோசனை மையத்தில் தன்னார்வ பணி புரிந்த போதும், அத்துறையில் பட்டப்படிப்பு ஆய்வுகளிலும் கற்றுக்கொண்டது மக்களால் மட்டுமே அரசை மேய்க்க முடியும் என்பது. நாள் தோறும், அரசு மான்யம் பெற்று அதை செய்கிறோம்!  என்னுடையான உறுதியான கருத்து, நாடாளும் மன்றம், அரசியல் சாஸனம் என்பதையெல்லாம் விட ஆங்கிலேயர்கள் Citizen Advice [established 1939] அமைப்பை நமக்கு தந்திருந்தால், நாம் சுபிக்ஷமாக இருந்திருப்போம். 2002 ஆண்டிலிருந்து அந்த அமைப்பின் தொடக்கத்தையாவது இந்தியாவில் செய்ய முயன்றேன். கஜினி படையெடுப்பு செய்தேன். படு தோல்வி அடைந்தேன். இந்தியாவில் பொதுவாக நான் கண்ட குறை, 'எதிலும் ஆதாயம் தேடுவது'. எனினும், சான்றோர்கள் பல இருந்திருக்கிறார்கள். நீலகிரி மாவட்டத்தில் டா. பார்த்தசாரதி என்ரு ஒருவர் பழங்குடிமக்களுக்கு சேவை செய்தார். அவர் காலவியோகம் ஆனபோது, மக்கள் நம்பவில்லை. அவர்கள் அவரை இறைவன் என்றும், இறைவனுக்கு மரணம் இல்லை என்றும் நம்பி இருந்தார்கள். இந்தியாவில் அரசு இயந்திரம் இந்தளவுக்கு பழுது அடையும் என்று நாற்பது வருடங்களிக்கு முன் கிஞ்சித்தும் நினைக்கவில்லை. அன்புடன், இன்னம்பூரான் 2010/1/13 Tirumurti Vasudevan <agnihot3@gmail.com> karthi  1/14/10 இன்னம்பூரான், அரசு - மேலும் குறிப்பாக பிரிட்டிஷ் மாதிரியிலான அரசு - ஒரு சிறந்த நிர்வாகியாக இருக்க முடியாது என வரலாறும், பல நாடுகளின் அனுபவங்களும் நிருபித்துள்ளன. அதன் குறைகள் அரசு அமைப்புடன் சேர்ந்தே பிறப்பவை. "உடன் பிறந்து கொல்லும் நோய்கள்." இதற்கான தீர்வு அரசு சேவைகளை தனியார் மயப்படுத்தலில்தான் இருக்கிறது. அமெரிக்காவிலும் இங்கிலாந்திலும் பல துறைகள் தனியார் மயமாக்கப்பட்டு சேவைகள் மேம்பாடு அடைந்துள்ளன. இந்தப் பட்டியலில் சிங்கப்பூர், மலேசியா, கொரியா, ஜப்பான் முதலிய நாடுகளையும் சேர்த்துக் கொள்ளலாம். மலேசியாவில் வருமான வரி வசூலிப்பு கூடத் தனியார் துறையினால்தான் செய்யப்படுகிறது. இந்நாடுகளில் அரசாங்கம் பல துறைகளில் மேலாண்மை மட்டுமே செய்கிறது. ஆனால் தனியார் துறை இலாப நோக்குடையது. இலாபம் பெற சேவைகளுக்குக் கட்டணம் விதிக்கும். சேவை பெறும் பொதுமக்கள் அதிகக் கட்டணம் தர வேண்டி இருக்கும். இந்தியாவில் இதற்குப் பெரும் எதிர்ப்பு கட்டாயம் இருக்கும். இந்தியாவுக்கு இன்னமும் ஒரு சோஷியலிச மனப்பான்மை இருக்கிறது. சோஷியலிசம் மீண்டும் மீண்டும் தோல்வியடைந்த போதும் அதனை விடாப்பிடியாகப் பிடித்துக் கொண்டிருக்கும். நோக்கங்கள் உன்னதமாக இருந்தாலும் விளைவுகள் மோசமாக இருக்கும். ஆகவே அரசை உருப்படியாக வேலை செய்ய வைக்க அரசு இவற்றிலிருந்து விலக வேண்டும். மேலாண்மை மட்டுமே செய்ய வேண்டும். அப்போதுதான் இந்தியா சீரடையும். ரெ.கா. N. Kannan <navannakana@gmail.com> 1/14/10 இந்தியா போன்ற ஆன்மீக பாதிப்புள்ள நாட்டில் எவ்வகையான அரசு செயல்படும் என்பதே கேள்வி. ஒரு காலத்தில் தெய்வத்திற்கு பயப்பட்டு காரியங்கள் நடந்து வந்தன. விரைவில் வெளியாகப் போகும் மின்னூல்களில் உ.வே.சா காலம்வரை (ஆங்கில அரசு) அது ஆங்கிலேயர்களையும் உடன் சேர்த்து எப்படி நடந்து வந்திருக்கிறது என்பது தெரிய வரும். இன்னும் அங்கு தர்மசாலைகள் உள்ளன. எல்லாம் தர்மத்திற்குக் கிடைக்குமென்ற நம்பிக்கை இருக்கிறது. அதே நேரத்தில் கோரமான சுயநலமும், ஊழலும், ஒழுங்கின்மையும் செய்முறை வாழ்வாகியும்விட்டது. ஒருபுறம் சோஷலிசம், இன்னொருபுறம் தனியார் துறை. இரண்டையும் ஊழலே அங்கு கட்டுப்படுத்துகிறது. ஊழல் என்பதே இந்திய அரசின் அடிக்கோடாக, அடிப்படை அலகாக மாறிவிட்டது. எனவே ஊழலை எப்படி ஒழுங்குபடுத்துவது எனும் புதிய ஃஇர்வாக நுணுக்கங்கள் அங்கு செயல்முறைக்கு வரவேண்டும். ஊழல் என்பதும் தனியார் துறை சமாச்சாரம்தான்! க.> Geetha Sambasivam <geethasmbsvm6@gmail.com> 1/14/10 ம்ம்ம்ம்ம்ம் பெருமூச்சுத் தான் விடமுடியுது! :((((((((  Innamburan Innamburan <innamburan@googlemail.com> 1/14/10 நன்னா காதுலே விழறது. இ Geetha Sambasivam  1/14/10 Innamburan Innamburan <innamburan@googlemail.com> 1/14/10 Venkatachalam Subramanian  1/14/10 நடுவண் அரசின் பொறுப்பிலுள்ள ஒரு நிறுவனம். தளவாடச் சாமாங்கள் பதிவேட்டில் (Dead stock Register) ஆயில் எஞ்சின் (பெட்டர்) உருப்படி 1. என்ற பதிவில் இருந்த எஞ்சினைக் கடத்திச் செல்ல திட்டமிட்ட சில ஊழியர்கள் ஒரு புதிய ஏற்பாடு செய்தனர். டெட் ஸ்டாக் பதிவேட்டில் இருந்த பதிவினை மாற்றி(Consumable Stock Register) ‘கன்ஸுயூமபல் ஸ்டாக் ரிகிஸ்டருக்கு எடுத்து எழுதினான் ஒருவன்.  ஏன் பிறித்து எடுத்து எழுதினாய் என்ற கேள்வி கேட்கப்படவில்லை. எழுதியவன் ஒரு இட வல மாற்றம் செய்து பெயர்த்து எழுதியிருந்தான். ’ஆயில் எஞ்சின் ‘ என்பதை ’எஞ்சின் ஆயில்’ என்று எழுதி முறையாக மேலதிகாரியிடம் சுருக்கொப்பமும் பெற்றான். பிறகென்ன!  தினமும் பல வண்டிகளின் பெயரால் செலவு எழுதி ஒரு நன்னாளில் இருப்பு பூஜ்யம் என்று காட்டி காவலரையும் கூட்டத்தில் சேர்த்து பெரிய எஞ்சின் நோகாமல் கடத்தப்பட்டது. குறுக்கு வழியில் வாழநினைக்கும் திருட்டுக் கூட்டம்!  தணிக்கை குழு ஒன்று இதனைக் கண்டுபிடித்து வெட்ட வெளிக்குக் கொணர்ந்து அந்தக் குழு தண்டிக்கப்படது. ஓம். வெ.சுப்பிரமணியன Geetha Sambasivam  1/14/10 இப்படியும் நடக்கும் என்பதே ஆச்சரியம் தான், கடத்தல் மட்டுமல்ல, தண்டனையும் கூட! karthi  1/14/10 ஐயா, எங்கள் நாட்டிலும் எஞ்சின் திருடர்கள் உள்ளார்கள். இங்கே காணலாம்: http://thestar.com.my/news/story.asp?file=/2010/1/6/nation/20100106103000&sec=nation ரெ.கா. 2 attachments — Download all attachments   View all images   Share all images   517.gif 1K   View   Share   Download   360.gif 1K   View   Share   Download