17. இது நிசமா? ஒழுங்கா?: தணிக்கை என்றொரு முட்டுக்கட்டை

தணிக்கை என்றொரு முட்டுக்கட்டை

---

---

Innamburan

இது நிசமா? ஒழுங்கா? Innamburan Innamburan <innamburan@gmail.com> 7/22/11   இது நிசமா? ஒழுங்கா?      தற்காலம் இந்தியாவின் தனியார் துறை வலிமை மிகுந்தது. லக்ஷக்கணக்கான கோடிகள் ரூபாய் புழக்கத்தில். மெகா திட்டங்களில் தனியார் துறை - அரசு கூட்டமைப்புகள். இவற்றை தணிக்கை செய்வது யார்? அவர்களின் வழிமுறைகள் யாவை? முறைகேடுகள் உண்டா? இந்த விஷயங்களை ஓரளவு புரிந்து கொள்வது நலம். அதுவும், பங்குச்சந்தையில் நடுத்தர மக்கள் வாங்கி, விற்பது அதிகரிக்கும் சூழ்நிலையில். ஒரு சிறிய அறிமுகம்.      ‘ஆடிட்டர்’ என்ற காரணப்பெயர் தனியார்-துறை தணிக்கை செய்வோருக்கு இருப்பதை பலர் அறிவர். அவர்கள் இதற்கு என்ற சார்ட்டட் அக்கெளண்டண்ட் அமைப்பில் உறுப்பினராக இருக்க வேண்டும். பரிக்ஷைகள் பலவற்றில் தேர்வு பெற்று அமைப்பின் சன்னது பெறவேண்டும். இத்தொழிலுக்கு ஒளி மயமான வருங்காலம் இருக்கிறது. பள்ளிப்படிப்புடன், இதையும் தொடங்கலாம். இது ஒரு புறமிருக்க...      கம்பெனி ஆடிட் வழிமுறைகளின் தாரக மந்திரம் ஒரு வினா, ‘இது நிசமா? இது ஒழுங்கா?’ கம்பெனிகள் தங்கள் வரவு செலவுகளை பதிப்பது போதாது. தமது தலையீடு இல்லாதவகையில் ஒரு சார்ட்டட் அக்கெளண்டண்ட் மூலம் தணிக்கை செய்யவைத்து, அவர்களின் அறிவிக்கையையும் இணைக்க வேண்டும். இது சட்டம். பெரும்பாலும், அத்தகைய அறிவிக்கை, ‘இந்த கம்பெனியின் உள்கட்டுப்பாடு திருப்திகரம். எங்கள் வினாக்களுக்கு விடை கிடைத்தது. மேலும் சொல்வதற்கில்லை.’ என்று ரத்னசுருக்கமாக இருக்கும்.  ஏதாவது சின்ன ஆடிட் கம்மெண்ட் இருந்தால் கூட சிக்கல். கேள்விப்பட்டிருப்பீர்கள், ‘ இந்த கம்பெனி கணக்கு வழக்கு (பாலென்ஸ் ஷீட்) காண்பிப்பதை விட மறைக்கும் விஷயங்கள் தான் சுவாரஸ்யம்.’ என்று. இத்தருணத்தில் கேட்கவேண்டிய கேள்வி, ‘இது நிசமா? ஒழுங்கா?’.       ஒரு ஐஸ்க்க்ரீம் கம்பெனி ப்ளாட்டிங்க் பேப்பர் எக்கச்சக்கமாக வாங்கிய வண்ணம்! யாராவது இது எதுக்கு என்று கேட்கப்போகிறார்களே, என்று ‘ஆஃபீஸ் ஸ்டேஷனரியில்' சேர்த்து விட்டார்கள்: நிஜமும் சொல்லவில்லை. ஒழுங்கும் இல்லை. ஏனென்றால், அதை வாங்கியது, கலப்படத்திற்கு!      ஒரு மேனேஜிங் டேரக்டர் தபால்தலை சேகரம் செய்பவர். கணிசமான செலவு. கம்பெனி தபால் போக்குவரத்து செலவில், வருடக்கணக்கில் போட்டு வருகிறார்கள். சொன்னது நிஜம். செய்தது ஒழுங்கீனம்.      இந்த கம்பெனி சேர்மன் பலே கில்லாடி. அப்பன் செத்துட்டான். சவ அடக்கப்பெட்டியை ‘பாக்கிங்க் கேஸ்’ என்று கம்பெனி கணக்கிலே சேத்துட்டான்! நிஜமும் சொல்லவில்லை. ஒழுங்கும் இல்லை. சொல்லப்போனால், முழுப்பொய். மட்டமான அட்டூழியம், அசிங்கம்.      இந்த மூன்று ஒழுங்கீனங்களையும், பாலென்ஸ் ஷீட்டில் மறைப்பது எளிது. கம்பெனி ஆடிட்டர் என்ன செய்ய இயலும்? தொழிற்புரட்சி வந்த பின் தான் முதன்முதலாக, இங்கிலாந்திலேயே தனியார் துறை வலுத்தது. கவனமாக, ஆடிட் செய்ய ‘நிஜமா? ஒழுங்கா?’ விதிமுறை வகுக்கப்ட்டது. துல்லியமாக வரவு செலவை பரிசீலனை செய்வதை விட ஆதாரமுள்ள ஆடிட் அபிப்ராயம் முக்கியம் என்ற கருத்து. அமெரிக்காவில், எடுத்த எடுப்பில் கோர்ட்டுக்கு போகிறார்கள் என்பதால், கறாராக தணிக்கை செய்யவேண்டியிருந்தது. இந்தியாவில் கலப்படம்; தவிர ஆவணங்களுக்கும், முரண் தவிர்த்தலுக்கும் (avoiding conflict of interest) முக்கியத்வம் குறைவு என்ற தோற்றம். சில நிகழ்வுகளை காண்போம். இந்தியாவில் சத்யம் அமைப்பும், ஆடிட்டர்களின் அசிரத்தையும், கூடாநட்பும், வெளிச்சத்தில் வந்தன; என்ரான், வோர்ல்ட்.காம் என்ற மாபெரும் நிறுவனங்கள் வீழ்ந்தபின் தான், பொய்க்கணக்கும், அதற்கு ஆடிட்டர்கள் துணை போனதும் வெளிச்சத்தக்கு வந்தன, அமெரிக்காவில். இங்கிலாந்தில் ஒரு பழங்கதை. ராணுவத்திற்கு தளவாடங்கள் உற்பத்தி செய்த ஒரு குடும்ப நிறுவனம் ஒப்பந்தத்திற்கு மேல் ஆதாயம் பார்த்ததாக, ஆடிட்டர் ஜெனெரல் கூற, அந்த குடும்ப நிறுவனத்தின் பேச்சு எடுபடவில்லை. மிகுந்த பிரயாசையுடன், அவர்கள் கோர்ட்டில் நிரூபித்தது: ஒப்பந்தத்திற்கு மேல் ஆதாயம் பார்த்தது உண்மை. ஆனால், குடும்பம் காலணா எடுத்துக்கொள்ளவில்லை. ஆதாயத்திற்கு மேல் தளவாட ஆய்வுக்கு செலவு செய்ததால், கம்பெனிக்கும், குடும்பத்திற்கும் பெரு நஷ்டம். அந்த அளவுக்கு ராணுவத்திற்க்கு ஆதாயம். அதாவது கணக்கு வழக்கு துல்லியமாக உண்மை கூறாவிடினும், நடத்தை ஒழுங்கு.       சிக்கலான சான்றுகள் அளிக்கக் காரணம், பின்னணியையும், பிரச்னையையும் குறிப்பால் உணர்த்தவே. இந்தியாவில் இப்போது பெரிய பிரச்னை யாதெனில், தனியார் துறையிடம், உண்மையான, ஒழுங்கு சம்பந்தமான தகவல்களையும், கணக்கு வழக்குகளையும் பெறுவது. அரசை கேட்பது போல், செலவினங்களின் நியாயத்தைக் கேட்பது. இக்காலம், பங்குச்சந்தையில் உலா வரும் கம்பெனிகளில் பெரும்பாலானவையின் உண்மை முதலாளிகள், பரவலான முதலீட்டார்களே. அவர்களின் காவலன் யார்?      இந்த பத்தியில் தணிக்கை, தணிக்கை என்று படித்து, படித்து, வாசகர்கள் சலித்துப்போய் விட்டதாகத் தோற்றம். இனி, தொல்லை தருவதாக இல்லை. ஒரு ஆடிட் ரிப்போர்ட் வரும் தருணம். அதை படிக்க பலர் விரும்பலாம். உரிய வேலையில், அதை பற்றி ஒரு இடுகை. அநேகமாக, அது தான் இறுதி பத்தி. இனி, யாராவது வினா எழுப்பினால் விடை. இன்னம்பூரான் 22 07 2011 Publication:   http://www.vallamai.com/archives/5645/ Image Credit:http://us.123rf.com/400wm/400/400/raywoo/raywoo1202/raywoo120200019/12392089-chalk-drawing--concept-of-right-or-wrong.jpg இன்னம்பூரான்

15. விநோத்ஸ்பீக்: தணிக்கை

தணிக்கை என்றதொரு முட்டுக்கட்டை: 15

விநோத்ஸ்பீக்

அப்டேட்: ரிலையன்ஸ் பிரச்னை இரு வருடங்கள் ஆகியும் இழுபறியில்!

இன்னம்பூரான்

03 06 2013

இன்னம்பூரான்

Saturday, July 9, 2011, 6:37

விநோத்ஸ்பீக்

சாணக்யரின் ‘அர்த்த சாத்திரத்தில்’ உள்ள தணிக்கை அறிவுரைகளை ‘ஆசியன் ஜர்னல் ஆஃப் கவர்ன்ட்மெண்ட் ஆடிட்’ என்ற இதழில், நான் அவ்விதழின் ஆசிரியனாக இருந்த காலத்தில் பதிவு செய்திருந்தேன். நல்ல வரவேற்பு. 40 கட்டுரைகளுக்கான வித்து அவை எனலாம். அவற்றை எடுத்துக்காட்டாக அமைத்து, தற்கால தணிக்கை முறைகளை ஒப்புமை செய்ய நினைத்தேன். ஆனால், மற்றொரு தகவல் முன்னுரிமை எடுத்துக் கொண்டது.  எனவே, அந்த அறிவுரைகளில் ஒன்றை மட்டும் குறிப்பால் உணர்த்தி விட்டு, வந்த காரியத்தை சொல்கிறேன்.

“இன்றைய வரவை நாளை கணக்கில் இடுவது குற்றமே.”

வந்த காரியம்: ஒரு பிரபலம் உரைத்ததை தொகுக்கும் போது, அதை அன்னாரின் பேச்சு என்று பொருள் பட ‘…ஸ்பீக்’ என்பது வழக்கம். இந்தக் கட்டுரை, தற்கால ஆடிட்டர் ஜெனரல் மதிப்பிற்குரிய திரு.விநோத் ராய் அவர்கள் பிரசித்தி பெற்ற ‘அவுட்லுக்’ என்ற ஆங்கில இதழுக்கு அளித்த நேர் காணலின் சுருக்கம். எனவே ‘விநோத் ஸ்பீக்’ என்ற தலைப்பு.

வினா: அ (அவுட்லுக்)/ விடை: வி: விநோத் ராய்.

அ: சரமாரியாக உம்மீது தொடுக்கப்படும் கணைகளை எப்படி சமாளிக்கிறீர்கள்?

வி. இது புது கேள்வி! எல்லோரும் ‘ஏன் இன்னார் இன்னார் மீது குறை காண்கிறீர். அடுத்த பலி யாரு?’ என்று தான் கேட்கிறார்கள். கணையேதும் இல்லையே!

அ. அரசியலாரும், தனியார் நிறுவனத்தாரும், உமது காமன் வெல்த் விளையாட்டு, 2ஜி, கச்சா எண்ணெய் குற்றச்சாட்டுகளுக்குப் பின், உமது திறனுக்கு அப்பாற்பட்டு நீங்கள் இயங்குவதாக, பழிக்கிறார்களே?

வி: தணிக்கையில் மூன்று விதம் -நிதியைக் கையாண்டது எப்படி?, ஆணைகளுக்கு உகந்த செயல்களா?, அரசு துறைகள் உருப்படியாக இயங்கியனவா? மூன்றாவது வகையை எமது பணியில் அடக்கம் என்று ஜூன் 2006லியே நிதி அமைச்சரகம் கூறியுள்ளது. நீங்கள் சொன்ன மூன்று தணிக்கைகளும் அதில் அடக்கம். பொது சொத்து, தனியார்-அரசு கூட்டுத் துறைகளில் பயன் படுத்தப்பட்டால், நாங்கள் வரத்தானே வேண்டும்.

வி: ரிலையன்ஸ் கம்பெனியின் கருத்துக்களை நாங்கள் ஏற்கவில்லை என்கிறீர்கள். அமைச்சரகம் கேட்டுக் கொண்டவாறு தணிக்கை செய்தோம். ரிலையன்ஸ் ஆட்சேபித்தனர். வாஸ்தவம் தான். ஒப்பந்ததில் இது போடப் படவில்லை. மூன்று வருடங்கள் கேஸ் நடந்தது. சாதகமான தீர்ப்பு வந்த பின் தான், தணிக்கையே தொடங்கப்பட்டது. அமைச்சரகம் தான் அவர்களுடன் உரியதை பகிர்ந்து, விளக்கம் பெற்றுத் தரவேண்டும்.

அ: கபில் சிபல் உமது ரிப்போர்ட்டை உதறி விட்டாரே! உங்கள் மீது உள்ள நம்பகத்துவம் பாதிக்கப்பட்டதா?

வி: இல்லையே. அவர் அதை ‘சரியே’ என்றல்லவா சொல்லியிருக்கிறார். இரு விஷயங்களில் சம்மதம். ஒன்றில் சம்மதமில்லை. முறை கேடுகளைத் தான் சம்மதிப்பதால்தான், விசாரிக்க கமிஷன் அமைத்தார். நஷ்டத்தைப் பற்றித் தான் அவருடைய கஷ்டம். ஆடிட் ரிப்போர்ட்டே, இது விவாதத்துக்குரியது என்று சொல்கிறதே.

அ: உமது அதிகாரிகள் மீது அரசியல்/ அதிகாரத்துவத்தின் தாக்கம் இருந்ததா?

வி: லவலேசமும் இல்லை. நாங்கள் எங்கள் வழி செல்வதில் தடை ஏதும் இல்லை.

அ: 2ஜி/ கச்சா எண்ணைய் ஆடிட் வரைவு ரிப்போர்ட்டுகள் கசிவு பற்றி, உங்கள் மீது குற்றம் சாட்டுகிறார்களே!

வி: அதில் எமக்கு ஆதாயம் என்ன? எங்கள் ஆக்கத்தை அல்லவா அது தாக்குகிறது? நாடாளுமன்றத்தில் வைத்த பின் டிபுடி ஸீ.ஏ.ஜி. ஊடகங்களுடன் பேசுவார். அந்த மின்னலடிப்பதை விட்டு விட்டு, பிட் நோட்டீஸ் விடுவோமா, என்ன?

அ: அரசுத் துறைகள் பல பட்டறை. இப்போது தனியாருடன் உடன்பாடுகள் வேறு. இதை எல்லாம் தணிக்கை செய்யும் திறன்/ வலிமை/ ஆற்றல்  உம்மிடம் உள்ளதா?

வி: ஆம். திறன் வேண்டும். ராணுவம்/ அணுசக்தி/ சுகாதாரம்/ கல்வி என அனைத்துத் துறைகளிலும். அதற்காகத் தான் அறிமுகக் கூட்டங்கள் -  நுட்பங்கள் அறியும் பொருட்டு.  எங்கள் வலிமையே, ஆற்றலும், திறனும், ஆக்கமும் மிகுந்தத் தணிக்கைப் படை எங்களிடம் இருப்பது தான். உலகளவில், முதல் மூன்று/ நான்கு இடங்களில் நாங்கள் இருக்கிறோம்.

அ: இந்தக் கச்சா எண்ணைய் விவகாரத்தில், உமது திறனும், புரிதலும் சர்ச்சைக்கு உள்ளாயினவே?

வி: எமது துறையின் 14 அதிகாரிகள் மேற்கு ஆசியாவில் இதே ஆய்வுப் பணியில் உள்ளனர். இந்தத் தணிக்கை செய்தவரும் கூட வளைகுடா பிராந்தியத்தில் இதேப் பணியை நான்கு வருடங்களுக்கும் மேல் திறம்படச் செய்தவர். எங்கள் அதிகாரிகளை நேரில் சந்திப்பவர்களுக்கு, எங்களின் ஆழ்ந்த புரிதலின் பேரில் செய்யும் பணியின் ஆற்றல் புரியும்.

அ: ஆடிட் ரிப்போர்ட்களின் மீதான நடவடிக்கைகள் பற்றி?

வி: ஒரு கால கட்டத்தில் அவற்றை யாரும் மதித்தது இல்லை. எங்கள் ரிப்போர்ட்டுகளில் மூன்றில் ஒரு பகுதிக்கு விளக்கம் வருவது இல்லை என்று, பிரதமர் முன்னிலையில் சொல்லி இருக்கிறேன். இப்போது பரவாயில்லை. ராணுவ அமைச்சரகமும், சுற்றுச் சூழல் அமைச்சரகமும் வழி முறைகளை மாற்றிக் கொண்டது, எனக்கு மகிழ்ச்சியே.

அ: சட்ட அமைச்சர் மொய்லி அவர்கள், நீங்கள் ‘வருமுன் காப்போனாக’ இயங்குவது இல்லை என்கிறார். ஆடிட் விதிகளை மாற்றினால் உதவுமோ?

வி: நாங்கள் கேட்ட வரங்கள் மூன்று: ஆடிட் தாமதம் ஏன்? நாங்கள் விளக்கம் கேட்டால், ஒரு நாளில்/ ஒரு மாதத்தில்/ ஆறு மாதங்களில் அதைத் தரலாம். தராமலும் இருக்கலாம்!  தகவல் பெறும் உரிமைச் சட்டத்தில் உள்ளது போல், 30 நாட்களில் பதில் போதும். அது வரம் ஒன்று.

ஆடிட் ரிப்போர்ட்டை ஜனாதிபதி/ கவர்னரிடம் சமர்ப்பிக்கிறோம், அரசியல் சாசனத்தின் 151 வது சரத்துப் படி. அது மன்றத்தில் வைக்கப்பட வேண்டும். இப்போது அமைச்சரகத்திடமே கொடுக்கின்றோம். அவர்கள் இஷ்டப்படி ஒரு மாதம்/ ஆறு மாதம்/ ஒரு வருடம் எடுத்துக் கொள்கிறார்கள். இதை மாற்றி, குறிப்பிட்ட கெடு வைக்க வேண்டும் என்று கேட்கிறோம். அது வரம் இரண்டு.

மூன்றாவதாக, 1971க்குப் பிறகு பஞ்சாயத்து, அரசு-தனியார் கூட்டணி, தன்னார்வக் குழுக்களின் பங்கு எல்லாம் வந்து விட்டன. அவற்றை ஆடிட் செய்வது பற்றி ஒரு தெளிவு வேண்டுமல்லவா! அதை தான் கேட்கிறோம். அது வரம் மூன்று.

அ: எத்தனை ஆடிட் ரிப்போர்ட்டுகள்  நாடாளுமன்றத்தின் முன் வைக்கப் படவில்லை?

வி: எல்லாமே வைத்தாகி விட்டது. ஆனால், என்னே தாமதம்! – ஒரு வருடம் கூட! அன்றைய அரசுக்கு இஷ்டமில்லை என்றால். இந்தத் தாமதத் தந்திரம் மத்திய அரசில் இருப்பதை விட மாநிலங்களில் அதிகம். மஹாராஷ்டிராவில் ஒன்று, மெட்ரோ பற்றி ஒன்று – ஒரு வருடத்திற்கும் மேல் தாமதம்.

அ: உமது ஆடிட் ரிப்போர்ட்கள் எந்த அளவுக்கு இறுதி நிலை வரை…?

வி: பத்து/ஆறு வருடங்களுக்கு முன்னால் படு மோசம். முதற்கண்ணாக, தாமதம்: மக்களுக்கு ஆர்வமிருக்கவில்லை. கணக்கு வழங்கும் முறையும் சரியாக இல்லை. இப்போது படாபட். கணக்கு வழக்கு நிலைப்பாடு  வந்து தானே ஆகவேண்டும்.

அ: உமக்கு தோட்டக் கலையில் ஆர்வம் என்று கேள்வி. உமக்கா அல்லது உமது மனைவிக்கா?

வி: நான் தான் மாலி: தோட்டக்காரன்.வீட்டில் அவள் ராணி; வெளி உலகில் என் ராஜ்யம். ஏதோ இயற்கைக்கு உகந்த காய்கறி கொடுத்தால் என் கடமை ஒவர்!

இது அவுட்லுக் இதழில் வந்த நேர் காணலின் தமிழ் சுருக்கம். தமிழாக்கமும், சுருக்கமும் நான் செய்தது. பொறுப்பு எனது. ஆங்கிலத்தில் வந்துள்ள மூலக் கட்டுரையின் காப்புரிமை அவுட்லுக் இதழுக்கே. நமது நன்றி அவர்களுக்கு உரித்ததாகுக. தமிழாக்கத்திற்கு அனுமதி கொடுத்ததிற்கும் அவர்களுக்கு நன்றி  செலுத்துகிறேன்.

ஒரு நற்செய்தி. இனி ஆடிட் ரிப்போர்ட் பற்றி மக்கள் எளிதில் புரிந்து கொள்ளும் வகையில் பிரசுரங்கள் வரப் போவதாக செய்திகள் வருகின்றன.

ஒரு சுவாரசியமானச் செய்தி: திரு. தயாநிதி மாறன் மத்திய அமைச்சரவையிலிருந்து ராஜிநாமா செய்து விட்டார்!

(தொடரும்)

உசாத்துணை

http://www.outlookindia.com/article.aspx?277467

பிரசுரம்: http://www.vallamai.com/archives/5091/

Geetha Sambasivam	7/9/11

மொழிபெயர்ப்பு பிரமாதம். திரு விநோத்ராய் சொல்லி இருப்பது போல் தாமதம் தவிர்க்க வேண்டும். தணிக்கைத் துறை என ஒன்று இல்லை எனில் அரசாங்கம் செய்யும் தில்லுமுல்லுகள் வெளிவரவே வராது.  ஆனால் மேல் நடவடிக்கைகள் எடுக்கப் படுகின்றனவா என்றால் ஏமாற்றம் தான் மிஞ்சுகிறது.  

’பரமபத சோபானம்’ : தணிக்கை செய்வதில் தணியா வேகம் -36

---

’பரமபத சோபானம்’ : தணிக்கை செய்வதில் தணியா வேகம் -36

---

Innamburan S.Soundararajan	Sat, May 11, 2013 at 9:55 PM
19 02 2010  ’பரமபத சோபானம்’ : தணிக்கை செய்வதில் தணியா வேகம் -36 இந்த டீ.எல்.டபிள்யூவை எல்.பீ.டபிள்யூ ஆக்கறது தானே, என் கடன், அமல்! அதற்கு, 'லாக்புக் லகான்' அற்புதமா வேலை செஞ்சது. ரயில்வேக்காரனுக்கு இனப்பற்று ஜாஸ்தி. மெகானிகல் எஞ்சினியர் பப்ளிக் ரிலேஷன் ஆஃபீசரோடு பேசறது சொல்பம். ஆடிட்காரன் பஹுதூரம் இல்லையோ? அதோடே, நல்லவேளை, பாலின வேற்றுமை இடம் பெறவில்லை. (எனவே, பிரச்னைகள் வேறு!) இப்போ, 'அப்பாடான்னு பெருமூச்சு விட்டங்களா!; க்ளப்லே முகம் கொடுத்துப் பேச ஆரம்பிசச்சாங்க. 'நல்வரவே ஆகுக' என்று இருந்து விட்டேன். இப்படியாக காலதேசவர்த்தமானம் இருக்கச்சே, காண்ட்ராக்ட்களை பற்றி கொஞ்சம் பார்க்கலாம். இப்போ, பட்டி தொட்டிலே, பேட்டைக்கு பேட்டை, பஞ்சாயத்துக்கு பஞ்சாயத்து, டவுனுக்கு டவுன், மாவட்டத்துக்கு மாவட்டம், மாநிலத்துக்கு மாநிலம் துஷ்பிரயோகம் பண்றாளே, அந்த டெண்டர் முறையின் எளிய பதிப்பு தான், அப்போ ஐம்பது வருடங்களுக்கு முன் தெரிந்த ஏற்பாடு. ஆனா, மாண்ட்வாடிலே கட்றது பெரிய டீஸல் எஞ்சின் தொழிற்சாலை; அமெரிக்கா கம்பெனி ஆல்கோ ஒப்பந்தக்காரார்,கூட்டாளி. ஏற்கனவே, ரயில்வே போர்ட் மன்னாதிமன்னர்களால் முடிக்கப்பட்டவை. 'பொன்னியின் செல்வத்தை' விட தடிமன் ஆன காண்ட்ரேக்ட்கள்;பக்கம் பக்கமாக நுண்ணிய எழுத்துக்களில், ஆங்கிலமில்லாத, ஆனால் ஆங்கில'சொற்கள்; புரியமாதிரி இருக்கும்; புரியாது. எல்லாபக்கங்களிலும், இரு தரப்பினரும் 'டொட்டாய்ங்க்' ந்னு நெடிய கையெழுத்து. நமக்கு தான் வேலை குறைச்சலா! அதையெல்லாம் படித்து, பித்து பிடித்து, பாயைப் பிராண்டி, வினா தொடுத்தபிறகு தான் தெரிந்தது, அவர்களுக்கும் புரியவில்லை என்று! எனக்கு ஜவாப் சொல்றதுக்கு ஒரு அமெரிக்கரை அனுப்பினார்கள். கொஞ்சம் அசமஞ்சம். பக்கோடா சாப்டிண்டு பேசறமாதிரி அவர் பேசினாலும், அவரிடமிருந்து உண்மையை கறக்கமுடிந்தது. பரமபதசோபானப்படத்திலே ஏணி காண்பித்த அளவு தான் ஏறும். சர்ப்பத்தின் வாலும் கண்ணுக்கு தெரியும். இவர்களது ('இவா' ந்னு எழுதவில்லை, அமல்.) காண்ட்ராக்ட்டில், இரண்டு ஏறுமுகம் - கூலி உயர்வது, விலைவாசி உயர்வது. சிக்கல் சிக்கலான சூத்திரங்கள், நடைமுறையுடன் ஒவ்வாதவை, இறங்குமுகத்தைப்பற்றி பேச்சே இல்லை. சுருங்கசொல்லின், கேட்டதை கொடுக்கறமாதிரி. நமக்கு இதெல்லாம் ஒத்து வருமோ? 'நீங்கள் கொடுக்க நினைப்பதை தடுக்கவில்லை; சட்டரீதியான பிரச்னைகள் எழலாம். பிறகு தணிக்கை செய்கிறேன்' என்றேன். 'த்ராட்லே மாட்டிட்டுட்டையே' என்றார், ரயில்வே நிதித்துறைத்தலைவர். காசிக்கு பக்கமோல்லியோ. அவர்கள் அதிர்ஷ்டம், இந்த அடிப்படையில் பில் போடுவதற்கு முன், எனக்கு மாற்றல் பூதம் வந்து விட்டது. ஆனால், இந்த பக்கோடாப்படிப்பு, பிற்காலம் எனக்கு உதவியது. இது நிற்க இந்த மாதிரி காலம் தள்ளிக்கொண்டிருக்கையில், எங்கள் ஆடிட்டர் ஜெனெரல், ஏ.கே.ராய் அவர்கள் கல்கத்தா வந்தார். அருமையான மனிதர்.அவர் அந்த பார்ட்டியில், இந்த ஏறுமுகம் காண்டிராக்டுக்கள் பற்றி சரியான விளக்கம் கொடுத்தார், எனக்கு. பிற்காலம், ஒரு பயணத்தில், அவருடன் சவாரி செய்தேன்; மனிதநேயத்தின் இலக்கணத்தை கண்டேன். வேளை வந்தா சொல்றேன். சரி. தாம் தூம்னு க்ரேட் ஈஸ்டர்ன் ஹோட்டலில் பார்ட்டி. சந்தாவும் அதிகம் .தண்ணியும் ஆறா ஓடித்து. எனக்கும் வஸந்தாவுக்கும் இதெல்லாம் புதிசு. ஃபோட்டோக்குட எங்கயோ இருக்கு; பார்த்தேன். வெள்ளி முளைக்க, பார்ட்டியும் முடிந்தது. எனது மேலதிகாரி திரு. ஹெச்.கே.மைத்ராவுக்கு, நான் பிள்ளை மாதிரி. அவருக்காகவே தனியாக ஒரு கார் கொண்டு வந்திருந்தேன். "Sir, You are not driving; it is an order" என்றேன். அவாத்து மாமிக்கு ரொம்ப சந்தோஷம். இதிலே ஒரு பாயிண்ட் இருக்கு ஸ்வாமி. இது சும்மா காக்காப்பிடிக்கிறது இல்லை. அவர் என் மீது அக்கறை காண்பித்தது ஆயிரம்; நான் செய்த யதார்த்த பணீ ஒரு பின்னம். அந்தக்காலத்தில், மேலதிகாரிகள் சின்னப்பசங்களை வழி நடாத்துவதில் மிகவும் சிரத்தை எடுத்துக்கொள்வார்கள். இன்னம்பூரான் 2010/2/18 devoo கஜ கர்பத்திற்குக் கொசுறு  கத்தரிக்காய் ஜோக் ! ஆண்டு விழாவின்போது திவாஜீ மின்னாக்கம் பற்றிக் கூறும்போது  ஒவ்வொரு முறையும் பக்கத்தைப் புரட்டி வைத்து எழுந்து நின்றுகொண்டு படம் பிடிப்பதை விளக்கினார்; முட்டு வலித்தால் தடவிக்கொள்ள balm வைத்துக்கொள்ளுமாறும் விளையாட்டாக அறிவுறுத்தினார். இன்னம்பூரான் சார் மெதுவாகப் புகைப்படத்துக்கு  அருகில் வந்து நின்றுகொண்டு ‘இங்கு balm bottle ஒன்றையும் காணோமே’ என்று கூறியது சிரிப்பலைகளைக் கிளப்பியது தேவ் On Feb 18, 6:07 am, Geetha Sambasivam  wrote: > கத்தரிக்காயை விடலை, காசிக்குப் போயும்![?][?][?][?] > > 2010/2/18 Tthamizth Tthenee > > > காசிக்குப் போனதே  இல்லையோ..? > > > அன்புடன் > > தமிழ்த்தேனீ > > > 18-2-10 அன்று, Geetha Sambasivam  எழுதினார்: > > >>  [?][?][?][?][?][?][?]எனக்குக் கத்தரிக்காய் ரொம்பப் பிடிக்கும்! > > >> 2010/2/15 Innamburan Innamburan <innambu...@googlemail.com> > > >> 15 02 2010 ____________ சித்திரத்துக்கு நன்றி: http://3.bp.blogspot.com/_2WTPGB_-Zrg/SxeJjT_MxlI/AAAAAAAAAiY/ZoBz3Jbuo1c/s400/telugu_paramapadham.jpg இன்னம்பூரான் 11 05 2013