Google+ Followers

Saturday, March 30, 2013

அன்றொருநாள்: மார்ச் 31: பட்ஜெட்டும் ஃபிட்ஜெட்டும்!




அன்றொருநாள்: மார்ச் 31: பட்ஜெட்டும் ஃபிட்ஜெட்டும்!
5 messages

Innamburan Innamburan Fri, Mar 30, 2012 at 4:32 PM
To: mintamil , thamizhvaasal
Cc: Innamburan Innamburan

அன்றொருநாள்: மார்ச் 31:
பட்ஜெட்டும் ஃபிட்ஜெட்டும்!
பட்ஜெட் எல்லாருக்கும் ஃபிட் (விருப்பப்படி) ஆகாது என்பதால், ஃபிட்ஜெட் (அலுத்து, சலித்துக்கொள்வது) மக்களின் உரிமை; அறியாமையும் கூட. அம்பானிக்கு பிடித்த பட்ஜெட் சப்பாணிக்குப் பிடிக்காது. மக்கள் நலம் நாடும் அரசு எல்லா நெளிவு, சுளிவுகளையும், மனதில் கொண்டு, நீட்டி முழக்காமல், அமரிக்கையாக, நீண்ட கால நிதி கொள்கைகளை, மக்களை கலந்தாலோசித்த பின், பிரகடனம் செய்து, ஏற்புடைய திருத்தங்களை உட்படுத்தி, வருடாந்திர பட்ஜெட்டை அமைக்கும். பட்ஜெட் மக்களின் உரிமையை பிரதிபலிக்கும் கண்ணாடி: அது ஒரு மந்திரக்கோல் அன்று.
மக்களின் அனுமதியில்லாமல், அரசு வரி விதிக்கலாகாது என்ற உரிமையை நிலை நாட்டிய மாக்னா கார்ட்டா, பாஸ்டன் டீ பார்ட்டி போன்ற நிகழ்வுகள் தான் வருடாந்திர நிதி நிலை (பட்ஜெட்) அறிவிப்பின் அடித்தளங்கள். மக்களின் ‘நாமி’ ஆகிய பிரதிநித்துவ குடியரசு ‘பினாமி’யாக உரு மாறி, அதை மந்திரக்கோலாக பயன்படுத்தினால், மக்கள் விழிப்புணர்ச்சியுடன் அதை நோக்க வேண்டும். அதில் குறையும், நிறையும் காணவேண்டும். பட்ஜெட்டும், தணிக்கைத்துறையும், ஜெமினி சகோதரர்கள் மாதிரி, இரட்டைப்பிறவிகள். 150 ஆண்டுகளாக, வாழ்ந்து குப்பை கொட்டும் நூற்றுக்கிழவிகள். ஆனால், இருவரும் ஊதும் இசைப்பண்கள் வேறு. ஜனரஞ்சகம் வேண்டி, பற்றாக்குறை அரசு ‘கதன குதூகலம்’ ஆலாபனை செய்தால், விடாக்கொண்டன் தணிக்கை ‘கம்பீர நாட்டையில்’ சங்கதிகளை அவிழ்க்கும். ஒன்றை கேட்டு, ஒன்றை விட்டால், அபஸ்வரம் தான் ஒலிக்கும். 
மடலாடும் இணையதளங்களில், சான்றோர்கள், பண்பாளர்கள், மற்ற துறை வல்லுனர்கள், மெத்த படித்தவர்கள், சுய கருத்தை விளாசி வீசும் அபிப்ராயதாரர்கள், வலை களவாணிகள் ஆகியோர் கூறுவதையெல்லாம், கிடைத்தவரை தேடிப்படித்தேன். தெரிந்தது கடுகளவு. தெரியாதது மலையளவு. தெரிந்ததாக காட்டிக்கொள்வது! (சரி. வேண்டாம்...). ஒரு காரணம் அரசின் ஆட்சிமொழி. இந்திய நாட்டு பெருமக்கள், அரசாணை பற்றி அறிந்து, செயல்படக்கூடிய நிர்வாஹ தகவல்களை வெளிப்படையாக, எளிய முறையில் அளிக்கவேண்டும் என்பது என்னுடைய அணுகுமுறை. எனவே, மின் தமிழர்களே, தமிழ் வாசல் காப்போர்களே, தொடர்பில் இருக்கும் மற்ற நண்பர்களே! சாணக்யரின் ‘அர்த்த சாஸ்திரத்திலிருந்து‘ ஆரம்பித்து, முதல் முறையாக, ‘Old wine in a new bottle‘ என்ற வகையில் மத்திய அரசு ஸெப்டம்பர் 1, 2010 அன்று, வெளியிட்ட  ‘பட்ஜெட் கையேடு‘ வரை, அக்கு வேறு, ஆணி வேறாக அலசி, சில புதிய இழைகளை துவக்கலாம். அது என் மற்ற அலுவல்களை பாதிக்கும். குறைந்தது நூறு பேராவது ஆர்வம் தெரிவித்தால் தான், அந்த பேரிகையை, ஏப்ரல் 7, 2012 அன்று முழக்குவதாக உத்தேசம். இல்லையெனில், ஆரவாரம் இல்லாமல் வாளா இருந்து விடலாம், நான். வசதி எப்படி?
சரி, போதும், ஆளை விடுங்கள். இன்றைக்கு இதை பற்றி என்ன பேச்சு என்று கேட்பீர்கள், சிலர். ஆம், மார்ச் 31 அன்று, பட்ஜெட் அனுமதித்த செலவு திட்டங்கள் காலாவதி. எல்லா பணமும் ‘அரோஹரா’. சர்வதேவ நமஸ்காரோ கேஶவம் பிரதிகச்சதி. வெளியில் இறைத்தத் துட்டு எல்லாம், கஜானாவில் அடைக்கலம். ஏன் தெரியுமா? மக்களின் அனுமதி, நாடாளும் மன்றத்தின் வாயிலாக, ஒரு வருடத்துக்குத் தான் கொடுக்கப்பட்டது. அந்த கெடு மார்ச் 31 அன்று காலாவதி. இது மக்களாட்சியின் மரபு. அரசின் விதி. நாடாளுமன்றத்தின் ஆணை. தணிக்கைத்துறை ஒரு வாயில் காப்போனே.
அவனும் வருடா வருடம் கரடியா கத்றான். வருடக்கடைசியில் வாரி இறைக்காதே என்று. மாண்பு மிகு அரசு நிர்வாஹங்கள், புவி முழுதும், ஜோசியக்கலை வல்லுனர்கள் அல்ல. பல காரணங்களால், இத்தகைய காலாவதிகள் ஏற்படாமல் இருக்க வழிமுறைகள் உண்டு. அதையெல்லாம் விட்டு விட்டு, சித்தம் கலங்கிய சைத்தியம் போல், கன்னா பின்னா என்று சில துறைகள் ‘கை நிறைய கழுதை விஷ்டை’ (மலம்) வாங்குவார்கள். மான்யப்பணத்தை தெருவில் வீசுவார்கள். ஒப்பந்தக்காரர்களுக்கு கட்டாய அச்சாரம் கொடுப்பார்கள். சுணங்கிய பணத்தை வங்கிகளில் போடுவார்கள், கோடிக்கணக்கில். சிலர் பொய்க்கணக்கும் எழுதுவார்கள். சொன்னால் குத்தம். ‘நீ வாயில் காப்போன் தானே. நான் கொல்லைப்பக்கம் போய் அசிங்கம் செய்தால், நீ ஏண்டா! ஏன் கத்றே’ என்பார்கள். 
வர்ரேன்...’
இன்னம்பூரான்
31 03 2012
Demand for Grants –Expenditure required to be voted by the Lok Sabha.

பி.கு. இந்த தொடரை ஜூன் மாதம் 17ம் தினம் வரை இழுத்தடித்தால், ஒரு வருட பட்ஜெட் மாதிரி, கால அட்டவணையில். அது வரை, இதை குறிப்பிட்ட தினத்தன்று, ‘டாண்’ என்று நடு நிசியில் (இந்திய நேரம்) இடுகை செய்வதிற்கு பதிலாக, முடிந்த வரை, அவ்வப்பொழுது, பதிவு செய்வதாக, உத்தேசம். பொறுத்தாள்க. நான் மற்ற பணிகளுக்கும், படிக்கவும் நேரம் ஒதுக்கி விட்டேன்.

s.bala subramani Fri, Mar 30, 2012 at 4:39 PM
Reply-To: mintamil@googlegroups.com
To: mintamil@googlegroups.com
 இத்தகைய காலாவதிகள் ஏற்படாமல் இருக்க வழிமுறைகள் உண்டு 

உங்களிடம் இருந்து எதிர் பார்க்கிறேன் 
நாளை இது தொடர்பாக தான் SKR ENGINEERING COLLEGE இல் மேலாண்மை மாணவர்களுக்கு வகுப்பு எடுக்க போகிறேன் 

இயற்கை மற்றும் கலாச்சார மேலாண்மை கல்வியின்  தேவைகள் 

மிக்க நன்றி 
காணொளி தயார் செய்யும் போது இடையில் படித்த இந்த கட்டுரை எனக்கு பயன் அளிக்கும் 

--

balarajan geetha Fri, Mar 30, 2012 at 4:52 PM
Reply-To: thamizhvaasal@googlegroups.com
To: thamizhvaasal@googlegroups.com
//  மத்திய அரசு ஸெப்டம்பர் 1, 2010 அன்று, வெளியிட்ட  ‘பட்ஜெட் கையேடு‘ வரை, அக்கு வேறு, ஆணி வேறாக அலசி, சில புதிய இழைகளை துவக்கலாம். அது என் மற்ற அலுவல்களை பாதிக்கும். குறைந்தது நூறு பேராவது ஆர்வம் தெரிவித்தால் தான், //
புதிய இழைகளை ஆர்வமுடன் வரவேற்கிறேன்.
----ரஜினிகாந்த் :-)
என்றென்றும் அன்புடன்,
பாலராஜன்கீதா


Nagarajan VadivelFri, Mar 30, 2012 at 5:06 PM
Reply-To: mintamil@googlegroups.com
To: mintamil@googlegroups.com
//பட்ஜெட் எல்லாருக்கும் ஃபிட் (விருப்பப்படி) ஆகாது என்பதால், ஃபிட்ஜெட் (அலுத்து, சலித்துக்கொள்வது) மக்களின் உரிமை//
வருவாய்க்குள் செலவு செய்து கொஞ்சம் சேமிப்பும் வைத்துக்கொள்ளும் உத்தியைக் கைக்கொள்ளும் யந்திர தந்திர மந்திரம் தெரிந்த ஹோம் மினிஸ்டர்கள் நிதி அமைச்சர்களாக இருப்பதால் கோடிக்கணக்கான குடும்பங்கள் பொருளாதார மேலாண்மையில் சிறந்து வாழ்கிறார்கள்
குடும்ப அளவில் பற்றாக்குறை பட்ஜெட் செலவுகளைக் கட்டுப்படுத்துவதிலும் சேமிப்பிலும் சிறந்து விளங்குபவர்களிடம் தோல்வியைத் தழுவுகிறது
குடும்பத்தில் நிதியமைச்சரும்  ஆடிட்டரும் ஜெமினியின் குழல் ஊதும் இரட்டையர்கள்

http://www.youtube.com/watch?v=uS84Td_lwbU

நாகராஜன்


Sridharan Raghavan Sat, Mar 31, 2012 at 12:42 PM
Reply-To: mintamil@googlegroups.com
To: mintamil@googlegroups.com
ஐயா, இப்போது எல்லாம் PERFORMANCE BUDGET  பற்றி கவலைப்படுவதில்லை. வெளியிலையும்  தெரிவதில்லை. பேசப்படுவதும் இல்லை. budget பற்றி மட்டும் பேசி தள்ளுகிறார்கள்.
performance budget ல் தான் ஒதிகீட்டில் செலவு செய்தது எவ்வளவு , பயன் என்ன என்பது இருக்கும். 
[Quoted text hidden]
[Quoted text hidden]

இதுவும் ஒரு பிருகிருதி: 2

Innamburan Innamburan Sat, Dec 18, 2010 at 5:23 PM
To: thamizhvaasal@googlegroups.com

இதுவும் ஒரு பிருகிருதி: 2

ஒரு கெத்துக்கு சொன்னேன், நாச்சியார் கோயில் என்று. பேரை சொன்னாலும் ஊரை சொல்லக்கூடாது. அதான் கோயில் திருமப்பள்ளி (சமையல் அறை) நச்சு இருக்கானே, அவன் ஒரு கேரக்டர். சன்னதிதெரு கோபாலாச்சாரியாத்து மாமி, மெனக்கெட, மூச்சு வாங்கிண்டு ஒரு நடை நடந்து, ‘நச்சு! நாளன்னிக்கு ரகு வராண்டா, ஷ்யாமுக்கு முடி இறக்க. திருக்கல்யாணத்துக்கு சொல்லியாச்சு, பட்டாச்சாரியர் மாமாட்டே. அக்காரவடிசல் தளிகை. ஜோரா பண்ணிட்றா’ ன்னு சொல்லிட்டு, ஜாமான்லாம் வாங்கிக்கொடுத்துட்டு, அச்சாரமும் அழுதுட்டு, பிரத்யேகமா அவனோடோ ஸ்னஃப் வாங்கறத்துக்கு, துட்டும் கொடுத்துட்டுப்போறா. சில்லரைக்காசு தான். ஆனா, மதிச்சுக்கொடுத்தாளேன்னு கவனமா பண்ணுவான் என்று சொல்லித்து, அந்த வேதாமாமியோட உளவியல். 

பாடா படித்துடுத்து பேரப்பய ஷ்யாம். கூடத்திலெ இருக்கிற நெல்லை வாரி இறைச்சான். பரியாரியோட கத்தியை பிடுங்கினான். எல்லாம் ஒரு பாடா ஆச்சு. மொட்டைத்தலைக்கு டெட்டாலும் தடவியாச்சு. சந்தனக்காப்பும் ஆச்சு. தாயாரையும், பெருமாளையும் நன்னா அலங்காரம் பண்ணி, விமரிசையா திருக்கல்யாணமும் ஆச்சு. குழந்தையும் தூங்கிப்போயிட்டான். ஊரே கூடியிருக்கு. ஆளுக்கு ஒரு தையல் இலையை வச்சிண்டு காத்துண்டிருக்கா; வினியோகம் ஆகப்போறது.

நம்ம நச்சு வர்ரான், அண்டாவை தூக்கிண்டு. தெரியாமாத்தான் கேக்கறேன்? வேஷ்டியில் எப்டி அத்தனை அழுக்கு ஏத்தீண்டான்? கசகசன்னு வேர்த்து விருத்து அவன் சாதிக்கச்ச ஏண்டா வந்தோம்னு ஆயிடும். அதெல்லாம் விடுங்கோ. அவன் பரிமாறினது தத்யோதனம்- தயிர் சாதம்! என்னத்தை சொல்றது, ஸ்வாமி? ஒரே நமுட்டு சிரிப்பு! கோபாலாச்சாரியாரா, ஆகாசத்துக்கும், பூமிக்கும் குதியா குதிக்கிறார். ரகுவுக்கும் கோபம் வரும். ஏதோ அருள் வந்தா ஆடுவாளே, அந்த மாதிரி, ஸைட்வாக்கிலே ஆட்றான். மாட்டுப்பெண் வைதேகி நைஸ்ஸா வத்தி வைப்பாள். எங்க அப்பா வந்துருந்தா, அவருக்கு எத்தனை அவமானம்னு கண்ணை கசக்கறா. வேதா மாமி, பாவம், அழுதே விட்டாள். 

இத்தனைக்கும், இந்த கலாட்டா எதுக்கு என்று நச்சுக்கு புரியல்லையே. அவன் பக்கத்து நியாயமும் கேக்கணுமே. 

ஒரு உரையாடல்:

மாமி: ஏண்டா! இப்டி பண்ணித்தொலைச்சே. உனக்கு நான் என்னடா பாவம் பண்ணேன்? [அழுகை பொங்கறது.]

நச்சு: என்ன ஆயிடுத்துன்னு அழறேள் மாமி? [கண்ணை தொடச்சுக்றான்.] திவ்யமா இருந்ததே திருக்கல்யாணோத்ஸவம். ஒரு சின்ன தப்பு ஆயிடுத்து. நேத்திக்கு ராமாஞ்சு தாத்தாவுக்கு திதி. அவர் பிள்ளை கோபால் பணம் கொடுத்துட்டுப்போனான், கொஞ்சமா; தயிர் சாதம் வினியோகம் பண்ணிடு, நான் வரத்துக்கில்லை என்று சொன்னான். ஏதோ மறதி. அக்காரவடிசல் பண்ணி சாதிச்சுட்டேன். எல்லாம் சப்பைக்கொட்டிண்டு சாப்ட்டதுகள். சாயரக்ஷைலே வந்து கூச்சல் போட்டான், அவா அப்பா இன்னும் பட்டினின்னு. சரின்னு இன்னிக்கு தயிர்சாதம் வச்சுண்டேன். ஏன் எல்லாரும் அலறரேள்? 

நச்சு புராணம் ரொம்பப்பெரிசு.

அப்டித்தான்! சிலபேரை திருத்தவே முடியாதுங்காணும்.
இன்னம்பூரான்
18 12 2010


Mohanarangan V SrirangamSat, Dec 18, 2010 at 5:27 PM
To: thamizhvaasal@googlegroups.com
Cc: Innamburan Innamburan
நச்சு,,,நச் :-)) 

அதை நீரோ பிச்சோ பிச்சு ;-)



LK Sat, Dec 18, 2010 at 5:32 PM
Reply-To: thamizhvaasal@googlegroups.com
To: thamizhvaasal@googlegroups.com
:))
[

GEETHA SAMBASIVAM Sun, Dec 19, 2010 at 12:54 AM
Reply-To: thamizhvaasal@googlegroups.com
To: thamizhvaasal@googlegroups.com
கண்ணெதிரே எல்லாம் நடந்தது.

2010/12/18 Innamburan Innamburan <innamburan@googlemail.com>
இதுவும் ஒரு பிருகிருதி: 2

அப்டித்தான்! சிலபேரை திருத்தவே முடியாதுங்காணும்.
இன்னம்பூரான்
18 12 2010



Natrajan Kalpattu NarasimhanSun, Dec 19, 2010 at 1:25 AM
Reply-To: thamizhvaasal@googlegroups.com
To: thamizhvaasal@googlegroups.com
நச்சுனு இருக்கு நச்சு புராணம்.



LK Sun, Dec 19, 2010 at 1:27 AM
Reply-To: thamizhvaasal@googlegroups.com
To: thamizhvaasal@googlegroups.com
//கண்ணெதிரே எல்லாம் நடந்தது. //

அப்ப நீங்கதான் வேதா மாமியா ??


Innamburan Innamburan Sun, Dec 19, 2010 at 1:49 AM
To: thamizhvaasal@googlegroups.com

திருமதி கீதா சாம்பசிவம் வெளியூர் செல்வதாக மற்றொரு இழையில்
எழுதியிருக்கிறார். எனவே எல்கேயின் கேள்விக்கு பதில் தாமதமாகலாம். எனக்கு
சில சமயங்களில் தீடீரென்று அசாத்ய துணிச்சல் வந்துடும். என்னத்தையாவது
எழுதி விட்டு... அப்றம் என்ன விருது தான்!

அந்த துணிச்சல் வந்துடுத்து. திருமதி கீதா சாம்பசிவத்துக்கு மென்மையான
ஸ்வபாவம். நான் ஏடாகூடமாக எழுதியிருந்தால் கூட, பெரிய மனசு வச்சு
விட்றூவாங்க என்ற தகரியம் தான்.
அவர் வேதா மாமி அல்ல. என்னுடைய பிருகிருதிகள் எல்லாரும் கற்பனை
பாத்திரங்கள் அல்ல. அன்றாடம், காலச்சக்ரத்தில் என் கண்கள் முன்னே
சுழன்றவர்கள், சுழல்பவர்கள். சொல்லப்போனால், வேதா மாமி ஸ்டோன் நைல் மாமி
மாதிரி. தீசல். அவளுக்கு ஒரு புராணம் பாடி விடலாம். எனவே, அவருக்கும்
திருமதி கீதா சாம்பசிவத்திற்கும் ஸ்னானபிராப்தி கூட கிடையாது.

இன்னம்பூரான்
2010/12/19 LK

LKSun, Dec 19, 2010 at 1:51 AM
Reply-To: thamizhvaasal@googlegroups.com
To: thamizhvaasal@googlegroups.com
இ அய்யா எனக்குத் தெரியும் . சும்மா கண்ணெதிரே நடந்தது என்றார்கள் அல்லவா அதற்கு கேட்டேன் :)

2010/12/19 Innamburan Innamburan <innamburan@googlemail.com>

[

MrRDin :-) Sun, Dec 19, 2010 at 4:55 AM
Reply-To: thamizhvaasal@googlegroups.com
To: thamizhvaasal@googlegroups.com
அருமை. 
[Quoted text hidden]

Mohanarangan V SrirangamSun, Dec 19, 2010 at 4:57 AM
Reply-To: thamizhvaasal@googlegroups.com
To: thamizhvaasal@googlegroups.com
தினேஷ் இருக்காரா? எங்க குரலே கேக்கல:-))

2010/12/19 MrRDin :-) <dinesh.rams@gmail.com>
[Quoted text hidden]
[Quoted text hidden]

shylaja Sun, Dec 19, 2010 at 5:24 AM
Reply-To: thamizhvaasal@googlegroups.com
To: thamizhvaasal@googlegroups.com
குட்டி டின்  இல்லையா அதான் அக்ண்ணூக்கு தெரில்ல....
இ சார் இழை அவரையும் இழுத்துட்டது! நன்றி  இ சாருக்கு

 
 அன்புடன்
ஷைலஜா
 
 


எல்லாம் அவன் செயல்.




எல்லாம் அவன் செயல்.
4 messages

Innamburan Innamburan Thu, Sep 13, 2012 at 10:27 PM
To: mintamil , thamizhvaasal , vallamai@googlegroups.com, தமிழ் சிறகுகள்

எல்லாம் அவன் செயல். 

இதற்கு ஆச்சரியக்குறி என்ன வேண்டிக்கிடக்கிறது? இன்று காலை நேரம் நெருக்கியது. அங்குமிங்கும் செல்ல வேண்டும். படிப்பதே இல்லை. கொஞ்சநாள் தமிழ்ப்பக்கம் போகவேண்டாம் என்ற பிரதிஞ்ஞை. முதலில் போகும் இடத்தில் காத்திருக்கும் வேளையில் படிக்கலாமே என்று ஒரு கையடக்கப் புத்தகத்தை எடுத்துச்சென்றிருந்தேன். அது என் பேத்தி குழந்தையாக இருக்கும்போது கதை சொல்ல உதவும் என்று 1998ல் எடுத்துச்சென்ற சுந்தரகாண்டம்: மிகவும் எளிய உரை. எடுத்தவுடனேயே சுபசூசகம். நன்நிமித்தம். இனிய சொற்கள். எனக்கு இது வரை தெரியாத சமாச்சாரங்கள். பிறகு தேடிய நூல்கள் கிடைத்தன. ஆனால் பிரிக்கவில்லை.

ஏனென்றால் சக்திதாசன் சுப்ரமண்யனின் ‘மகாகவி பாரதியார்: புதுமைக்கண்ணோட்டம்’ கிடைத்துவிட்டதே. (பேராசிரியர் உபயம்) 271 பக்கங்களையும் ஒரே மூச்சில் (பல பெருமூச்சுகளின் இடையில்) படித்து முடிக்க இராப்பொழுது முழுதும் கழிந்தது. படித்தால் மட்டுமானால், இத்தனை ஆயாசம் ஏற்பட்டிருக்காது. முன்னும் பின்னுமாக அலைந்தது மனம். நனவு பாதி; கனவு பாதி; நினைவு பாதி; கற்பனை பாதி. மோனமே முழுதும். எல்லாம் அவன் செயல். தோன்றுவதை எல்லாம் எழுத நாட்கள் பிடிக்கும். இப்போதைக்கு போட் மெயில் மாதிரி, பட்டதைச் சொல்லிவிட்டு, உங்களை விட்டு விடுகிறேன். பாரதியார் பார்க்க எப்படி இருப்பார் என்ற கேள்வி எழுந்ததாம். என் மனக்கண்ணில் வசிக்கும் பாரதியார்:
‘வந்தாரே அமானுஷ்யன்; 
சட்டையில் காலரில்லை; 
ஆனா டை கட்டி தொங்குதடா, 
சீமானே! மனம் போல் திறந்த கோட்டு, 
தோளின் மேல் சவாரி, 
நீலக்கலரிலே, ஐயா, சவுக்கம் ஒன்று.
முண்டாசு முடிச்சிருக்கான், கரை போட்ட துண்டாலே. 
அதற்கு வாலும் தொங்குதடா, ராச மவராசன் போல. 
எம்மாம் பெரிசு சோப்புக்கலர் குங்குமப்பொட்டு.
மீசையாவது, ஒளுங்கா, மன்மதனே, கத்திரிச்சிருக்கு. 
எத்தனை நாள் பட்டினியோ, தெய்வத்திருமகனே! 
கன்னமெல்லாம் ஏண்டாப்பா நசுங்கிப்போச்சு? 
உனக்கு வில்லியம் ப்ளேக் தெரியுமோடா? 
அவன் பாடின மாதிரி, புலிக்கண்ணோ உந்தனுக்கு? 
என் கண்ணெல்லாம் சுணங்குதும்மா; 
அப்படி ஜொலிக்கது உன்னோட கண்மலர்கள்!
மஹமாயி!  ஆதி பராசக்தி! 
அந்த மணக்குளத்து பிள்ளையாரே!
பாஞ்சாலி மானம் காத்தாய்! நீ
இவனுக்கு சேவகன் இல்லையாடா?
அதெல்லாம் சரி. 
அதென்ன ரயில் வண்டி புகை, ‘குப்’,குப்’னு?
ஓ! தொரை உரையூர் சுருட்டுத்தான் பிடிக்கிறாரு!’


இந்த சொந்த சாஹித்யம் ஏற்கனவே சொல்லப்பட்டது தான். சொல்லணும் போல இருந்தது, அவரை பற்றி படித்தவுடன். சொல்லி விட்டேன். திரு. சக்திதாசன் சுப்ரமண்யனுடன் அவர் கோகலேயை பற்றியும், ஃபெரோஸ்ஷா மேத்தாவையும், ஸுரேந்திரநாத் பானர்ஜீயையும் பற்றி சொன்னதில் எனக்கு உடன்பாடு இல்லை. ஆனாலும், விபின் சந்திர பால் அவர்களை பற்றி அவர் சொன்னது மிகக்குறைவு. அந்த மாமனிதன் சென்னை மக்களை மகுடிக்கு மயங்கிய அரவமாக மாற்றியதை பற்றி என்றோ நான் எழுதியதும் நினைவில் வந்தது. மஹாகவி, வ.உ.சி (பாரதியாரின் மருமான்), திரு.வி.க., வி.எஸ்.ஶ்ரீனிவாச சாஸ்திரிகள், பேராசிரியர் டி.எம்.கிருஷ்ணமாச்சாரியர் ஆகியோரை ஆட்டிப்படைத்துவிட்டார், இந்த வங்காளத்து வாமனரூப பள்ளியாசிரியர். அவருடைய “பாரதாமிருதம் ஜீவனம்” இன்றும் நம்மை கலங்கடிக்கிறது. இப்போது தான் “பாரதாமிருதம் ஜீரணம்” செய்கிறார்களே, பூமியையும், ககனத்தையும் குடைபவர்கள். இதையெல்லாம் எழுதணும் என்று கை நமநமக்கிறது. வலிக்கிறது. யார் யார் படிப்பார்களோ? பாரதியாரின் சேக்காளிகளுக்கு ஸ்வாமி விவேகாநந்தரின் நேரடி ஆசி உண்டே. அதை சொல்லவில்லையே என்று நினைத்தேன். அன்னை நிவேதிதாவிடம் பாரதியார் தீக்ஷை பெற்றது பற்றி எழுதியதை பார்த்து மகிழ்ந்தேன். பாரதிக்கு பதிலாக ‘இந்தியா’ இதழின் தீவிரத்திற்குத் தண்டனை பெற்ற பாமரன் எம்.ஶ்ரீனிவாசனின் கீர்த்தி தேடினேன். ஹூம்!

மயிலாப்பூர் வக்கீல்களை ஒரு பிடி பிடித்திருக்கிறார், பாரதியார், பாருங்கள். பிரமாதம். அல்லது கப்பலோட்டிய தமிழனின் கப்பல் கம்பெனி வரலாறு கச்சிதமாக வேணும் என்றால், பாரதியாரிடம் தான் போகவேண்டும். தணிக்கைத்துறை தோற்றது, போங்கள்! 27 05 1907 அன்றைய தேதியிட்ட இந்தியா இதழில் ‘வந்தே மாதரம்’ கொடியுடன் சுதேசி கப்பலின் சித்திரம். சூரத் அமளியை பற்றி பாரதியார் எழுதியதை நான் முதலில் படித்து எழுபது வருடங்கள் ஆயின. பசுமரத்தாணி. அந்த ‘சூரத்துச்சூறாவளி’ என்ற துண்டுப்பிரசுரத்தை இன்று, இந்திய மொழிகள் எல்லாவற்றிலும் மொழிபெயர்த்து, பாரதியார் ஸ்டைலில் ஒரு கோடி பிரதிகளை முகநூல் வழியாக பிரசுரித்தால், நம் லஞ்சலாவண்ய மகாபிரபுகள், தேசாபிமானத்துக்கு முன் தலை குனிந்து, துண்டைக்காணும், துணியைக்காணும் என்றோடி கடலில் வீழ்ந்து பிராணதியாகம் செய்து கொள்ளுவார்கள்.

இந்த் நூலில் பாரதியாரின் படைப்புகள் அதிக இடத்தை அடைத்துக்கொண்டது நல்லதாக போயிற்று. நமக்கு அருமையான உண்மை வரலாறு கிடைத்திருக்கிறதே. பாரதியாரின் நகைச்சுவைக்கு ஒரு உதாரணம் கொடுத்து விட்டு, முடித்து விடுகிறேன். எத்தனையோ சொல்ல வேண்டியிருக்கிறது, மறதியால் அவதிப்படும் பெரியவர்களுக்கும், நமக்குள்ளும், வருங்கால சந்ததிக்கும். கேட்டால் பார்க்கலாம். சுதேசி ஶ்ரீ குருசாமி அய்யர் பெரிய வக்கீல் அவர் ‘இந்த க்ஷத்திரிய நடையையும், க்ஷத்திரியப் பார்வையையும் எப்படி பெற்றார் என்று எனக்கு புரியவில்லை’ என்று அவரை கேலி செய்கிறார்....
இன்னம்பூரான்
13 09 2012

Innamburan Innamburan Thu, Sep 13, 2012 at 10:27 PM
To: mintamil , thamizhvaasal , vallamai@googlegroups.com, தமிழ் சிறகுகள்
Cc: Innamburan Innamburan
Bcc: innamburan88 , anantha narayanan nagarajan , renuka rajasekaran , Gayatri Ramakrishnan
[Quoted text hidden]

கி.காளைராசன் Fri, Sep 14, 2012 at 2:37 AM
To: mintamil@googlegroups.com
Cc: thamizhvaasal , vallamai@googlegroups.com, தமிழ் சிறகுகள் , Innamburan Innamburan
ஐயா ‘இ‘னா அவர்களுக்கு வணக்கம்.

2012/9/14 Innamburan Innamburan <innamburan@gmail.com>
மயிலாப்பூர் வக்கீல்களை ஒரு பிடி பிடித்திருக்கிறார், பாரதியார், பாருங்கள். பிரமாதம். அல்லது கப்பலோட்டிய தமிழனின் கப்பல் கம்பெனி வரலாறு கச்சிதமாக வேணும் என்றால், பாரதியாரிடம் தான் போகவேண்டும். தணிக்கைத்துறை தோற்றது, போங்கள்!
அறிஞர் அண்ணா பெயரில் அறக்கட்டளை துவங்கப்பெற்று மாணவர்களுக்கு தகுதியடிப்படையில் உதவித்தொகை வழங்கப்படுவதைப் போன்று,
பாரதி பெயரிலும் அறக்கட்டளை ஆரம்பிக்கப்பட வேண்டும்.
மாணவர் பயனுற வேண்டும், இந்த வையகம் பயனுறவே.

அன்பன்
கி.காளைராசன்


--
அன்பன்
கி.காளைராசன்


coral shree Fri, Sep 14, 2012 at 3:13 AM
Reply-To: mintamil@googlegroups.com
To: mintamil@googlegroups.com
//
பாரதி பெயரிலும் அறக்கட்டளை ஆரம்பிக்கப்பட வேண்டும்.
மாணவர் பயனுற வேண்டும், இந்த வையகம் பயனுறவே.//

அருமையான யோசனை சகோதரரே...

அன்புடன்
பவளா

Friday, March 29, 2013

அன்றொருநாள்: மார்ச் 30: கே.கே.கே. சிண்ட்ரோம்!




அன்றொருநாள்: மார்ச் 30: கே.கே.கே. சிண்ட்ரோம்!
13 messages

Innamburan Innamburan Thu, Mar 29, 2012 at 8:49 PM
To: mintamil , thamizhvaasal

அன்றொருநாள்: மார்ச் 30:
கே.கே.கே. சிண்ட்ரோம்!
இன்று தொட்டும், தொடாமலும், தொடரும் அவியல் குவியல். பொறுத்தாள்க.
*அண்ணன் தம்பி இருவருக்கும் அறுவை சிகிச்சை. உயிர் மீட்கும் பணி. ஆனால், உயிர் இழக்கும் அபாயம் உண்டு. டாக்டருக்கென்ன! குத்து வாளுக்கும், அறுவை கருவிக்கும் உள்ள வித்தியாசம் உடலுக்கு புரியாது. வலி தாங்காமல் துடிக்கும். அதற்குத்தான் மயக்க மருந்து என்றார். 
**1,2,3... எண்ணச்சொன்னார்கள். 18ல் படு வேகம். 22,23ல் ஈனஸ்வரம். முப்பதை முழுங்கியாச்சு. முப்பத்தி...குரல் எழும்பவில்லை. ஆத்திரத்துடன், இன்ஃபினிட்டி! இன்ஃபினிட்டி! ஐயா டவுனு & அவுட்டு!
***ஐ.ஸீ.யூ. வலி. முனகல். சின்ன தம்பி பாத்துக்கிறான். அடிச்சுப்பிடிச்சுண்டு எழுந்திருக்கிறான். பேஸ்து அடிச்சமாதிரி மூஞ்சி. ஈஸீஜி மிஷினில் நேர்கோடு. அழறான். ‘நான் சாகலைடா. மிஷின் தான் அவுட்.’ போன மூச்சு திரும்பி வந்தது, அவனுக்கு.
****நர்ஸ் ஓடி வந்து சொன்னாளாம். அவர் என்னமோ உளரறார். வந்து பாருங்கோ. அடிச்சு, பிடிச்சுண்டு ஓடி வந்த பொண்ணு சொல்றா,’he is conjugating French verbs!!!
*****பெரிய டாக்டரும், சின்ன டாக்டரும் வந்தார்கள்.சின்னவர், பெரியவரிடம்: ( அவருக்கு தனித்தமிழ் தெரியாது!) ‘நேற்று சில குழப்பங்கள்.பேஷண்ட்டுக்கு நம்ம மேலே ரொம்ப கோபம். சேரி பாஷையில் திட்றார். இதெல்லாம் கேட்டு ரொம்ப நாளாச்சு!
சத்யம் பண்றேன். இது உண்மை. நினைவிழந்தும், நினைவுலா வரும் நினைவுகளின் பரிமாணமிது. யாராவது ஆன்மீகம் எழுதலாம். சரி, அதை பற்றி இப்போது என்ன பேச்சு?
*மார்ச் 30, 1933:
சார்! இன்று அமெரிக்காவில் டாக்டர்கள் தினம். திருமதி எடோரா ப்ரெளன் ஆல்மண்ட் அவர்களின் நல்லெண்ண தூது தினம்.
மார்ச் 30, 1942: 
இன்று டாக்டர்.க்ராஃபோர்ட் லாங் ஒருவருக்கு ஈதர் மயக்கமருந்தைக் கொடுத்து, அவருடைய கழுத்தில் கத்தி வைத்தார். அவருக்கு வலி தெரியவில்லை. அதுவும் ஒரு பிரமேயம். அதனால் தான் மயக்க மருந்து அனுபவ அறிமுகம். நம்ம வீட்டிலும் அதற்கு பெரிய மதிப்பு. என்னுடைய மகனின் அந்தத்துறையில் உள்ள சாதனைகளுக்கு பல பாராட்டுக்கள். இருக்காதா பின்னெ? மகன் தான் தந்தைக்காற்றும் உதவியை செய்து விட்டானே, தன்னுடைய திறனால், இலவச வைத்தியம் அளித்து, வலி நிவாரணம் தந்து, சிக்கலான சூழ்நிலையில், போர்க்களத்தில், டாக்டர்களின் தலைவன் என்று நற்பெயர் எடுத்து. அது மன நிறைவு,பகிர்ந்து கொண்டால்.
மார்ச் 30, 1958:
இன்று, அமெரிக்காவின் சட்டமன்றங்கள் இந்த நாளை டாக்டர்கள் தினமாக விழா கொண்டாடுவதை ஆதரித்து ஒரு தீர்மானத்தை நிறைவேற்றியது. அதற்கான சட்டத்தின் இயற்றியது.
மார்ச் 30, 1991:
ஜனாதிபதி ஜியார்ஜ் புஷ் (பெரியவர்) அதில் (பொது சட்டம் 101 -473) இன்று கையொப்பமிட்டு பிரகடனம் செய்தார்.
அமெரிக்காவில் இந்த தினத்தை, டாக்டர்களுக்கு வாழ்த்துமடலனுப்பி, டாக்டர்கீர்த்தி பாடி, நன்றி நவின்று, கொண்டாடுகிறார்கள்.While in Rome, Be a Roman. நானும் சட்புட்னு ஒரு அமெரிக்க டாக்டரின் கீர்த்தி பாடிவிடுகிறேன்.
குற்றம்,குறை காணும் போது, சாதனைகளையும் மெச்சினால் தான் பாரபக்ஷமில்லாத தணிக்கை. அது அரிது என்பதால், நமக்கு பல ஐஏஎஸ் நண்பர்கள். அவற்றில் ஒருவர் வீ.கே.தார். ஜனாதிபதியின் காரியதரிசி பதவியை ஏற்றபின், என்னை பார்க்க வந்திருந்தார். நான் அவரிடம் சத்தம் போட்டேன், ‘உங்கள் ஜனாதிபதிக்கு சின்ன பிரச்னை. அமெரிக்காவில் சிகிச்சை. என் மனைவி வஸந்தாவை உனக்கு தெரியும். அவள் புற்று நோயினால் தவிக்கிறாள். சிக்கல்கள். உமது ஜனாதிபதியிடம் சொல்லு.’ சும்மா கத்தினேன். அவர் சொல்லிவிட்டாரே! ஜனாதிபதி நீலம் சஞ்சீவி ரெட்டி அவர்கள் என்னை வரச்சொல்லி ஆணையிட்டார். போனேனா? பெரியவர் சொல்றார்,’ ஏஜிகாரு! அவள் என் பெண் மாதிரி. ஜனவரி 26 டில்லி வந்து விடுங்கள். என்னுடைய விருந்தாளி, ராஷ்ட்டிரபதிபவனில். என் அமெரிக்க டாக்டர் வருகிறார். நான் செய்த ஏற்பாட்டை ஒத்துக்கொள்.’ எனக்கு தலைகால் புரியவில்லை. சில நாட்கள் கழித்து தகவல்: டாக்டர் டில்லியில் சில மணி நேரம் தான் இருப்பார். குறிப்பிட்ட தேதியில் அவரை பம்பாய் ராஜ் பவனில் சந்திக்கவும். போனோம். ஒரு உரையாடல்: 
சில நிமிடங்கள் காத்திருந்தோம், தோட்டத்தில் நின்று கொண்டு. சற்றே தாமதமானது. வருத்தம் தெரிவித்த டாக்டர்,அவருடைய மனைவி, வஸந்தா, நான், குழந்தை ஸுஜாதா.
டா: பேஷண்ட் யாரு?
வ: நான் தான்.
டா: உன்னை பார்த்தால் நோயாளி மாதிரி இல்லவேயில்லை.
டா. மனைவி: நீ அழகான பெண். என் பெண்ணுக்கு உன் வயசு தான் இருக்கும். வாருங்கள், உள்ளே.
தேனீர் விருந்து. குழந்தையுடன் விளையாடுகிறார்கள். மெளனமாக டாக்டர் ஆவணங்களை பார்க்கிறார். சில கேள்விகள் கேட்டபின், பரிசோதனை.
பொதுவில் சொன்னது: இந்த சிக்கல் உலகில் ஆறு புற்று நோயாளிகளுக்கு ஏற்பட்டது. அவர்களில் ஐந்து பேர் நம்மிடம் இல்லை. நீ மட்டும் தான் அதிர்ஷ்டசாலி. இவளை போற்றி காப்பது என் கடமை. பிறகு வஸந்தாவிடம் தனித்து சொன்னது: நீ நோயாளி அல்ல. இந்த சிக்கல் வந்ததிற்கு காரணம், தவிர்க்க முடியாத அசுர சிகிச்சை. இனி பயமில்லை. என்னிடம் தனித்து, மனைவியிடம் பரிவுடன் நடப்பது பற்றி, யதார்த்தமான அறிவுரை வழங்கினார். அவள் எதோ சொல்லியிருக்கவேண்டும். என்னை நீ நன்றாக அவளை பார்த்துக்கொள்கிறாய் என்று வாழ்த்தினார். இதையெல்லாம் விடுங்கள்.குழந்தைக்கு ஐந்து வயது இருக்கும். மென்மையாக, யாமிருக்கும் சூழ்நிலையில், குழந்தையும் அனுசரித்து நடக்க வேண்டும் என்பதை அவளுக்கு புரிய வைத்திருக்கிறார். இவர் மனிதனா? தெய்வமா? 
பெயர்: Dr.Edward J Beattie MD: CMO, Memorial Sloan-Kettering Cancer Center, New York. உலகளவில் பிரபல ஆஸ்பத்திரி அது. அவருக்கு குரு வந்தனம் செய்வோர்களின் பட்டியல் கணக்கில் அடங்கா. அவருடைய சாதனைகளை அளவிடமுடியாது. அவரை மாடல் என்று பாவித்த ஏகலைவ சிஷ்யகோடிகள் உலகெங்கும். அவர் தாயுமானவராக வந்து வஸந்தாவை காப்பாற்றினார். பத்து வருடங்களுக்கு இடை விடாமல், ஆவணங்களை பார்த்து மருத்துவ ஆலோசனை அளித்தார், அவரும், அவருடைய சகபாடி, டாக்டர்.டி.டி.ஹேக்ஸ் அவர்களும். ஒரு நாள், அவள் குணம் அடைந்து விட்டதாக எண்ணலாம் என்றார். மார்ச் 3, 1998ல் மறைந்த இந்த சான்றோனுக்கு புகழ்மாலை சூட்டும் போது, நாராக நாங்களும் உடனிருப்பது இயல்பே. காசும்,காப்பீடும் அமெரிக்க மருத்துவத்துறையில் கோலோச்சுகிறார்கள் என்றாலும், இந்த இரு டாக்டர்களும் வஸந்தாவுக்கு இலவச சிகிச்சை அளித்தார்கள் என்பதையும் மறக்காமல் சொல்லவேண்டும். அவ்வப்பொழுது நான் அனுப்பிய கலைப்பொருட்கள் பாத காணிக்கை. 
இந்தியர்கள் யாவரும் டாக்டர் பிதான் சந்திர ராய் அவர்களுக்கு பாத காணிக்கை சமர்ப்பிக்க வேண்டும். அவருடைய பிறந்த/இறந்த தினமாகிய ஜூலை 1 அன்று, இந்தியா டாக்டர் தினமாகக் கொண்டாடுகிறது: அன்றொரு நாள்: ஜூலை 1 இழையை மீள்பார்வை பார்ப்பது நன்மை பயக்கும்.
“... இந்தியாவில் ஜூலை முதல் தேதியை ‘டாக்டர் தினமாக’ கொண்டாடுகிறோம். அது ஒரு நன்றிக்கடன், பாரத ரத்னா டாக்டர் பிதான் சந்திர ராய் அவர்களுக்கு: ஜென்மதினம் ஜூலை 1,1882; மறைந்த தினம்: அதே தினம்: 1962. கல்கொத்தா இந்தியாவிலேயே பெரிய நகரம். அங்கு டாக்டர் பிதான் சந்திர ராய் அவர்களின் பூதவுடலுக்கு அஞ்சலி செலுத்த மலர் வளையங்களை உருவாக்க, புஷ்பங்கள் கிடைப்பது அரிது ஆகிவிட்டது என்று நாளிதழ்களில் செய்தி. ஏன் தெரியுமா? அன்று அதிகாலையே அன்னாருக்கு பூமாலைகள் சூட்ட எல்லா புஷ்பங்களும் வாங்கப்பட்டனவாம்! அன்று படித்த அந்த செய்தி இன்றும் நினைவுக்கு வரும்போது நெஞ்சு நிமிர்ந்து, இந்தியா ‘awesome’ மட்டுமல்ல; அது ‘பாருக்குள்ளே நல்ல நாடு; பட்டொளி வீசு பறக்குது பாரீர்’ என்று பண்ணிசைக்கத் தோன்றுகிறது, அம்மா! காளிகாட் வாழும் காளி மாதாவே! பகவன் ராமகிருஷ்ணரின் இஷ்டதேவதையே! உன் தவப்புதல்வன் பிதான் சந்திராவின் மேன்மையை பார். அவனுடைய மருத்துவ, சமுதாய, அரசியல் பணிகளை பார். எண்பது வருடங்கள் அவனை வாழவைத்து, எங்களையும் எக்காலமும் வாழவைக்கிறாயே! ஆம். அவருடைய பெயரில் வருடம்தோறும் வழங்கப்படும் டாக்டர்.பி.சி.ராய் பரிசில், மருத்துவ உலகில் மிகவும் பிரசித்தம். வங்காளத்தின் முதல்வராக (1948லிருந்து 1962 வரை) அரசியலில் வைர, வைடூர்யமாக, மருத்துவர்களில் மாணிக்கமாக, மானிடர்களில் ரத்னமாக திகழ்ந்த அவரது அமரகாவியத்தை என்றென்றும் பாடுவோம். 1961ல் அவருடன் அருகில் இருந்து அளவளாவும் பாக்கியத்தை எனக்கு அருளினாயே, என் அன்னையே! உன் பாதாரவிந்தங்களில் சிரம் தாழ்த்தி வணங்குகிறேன், அம்மா!..”
ஆமாம். கே.கே.கே.சிண்ட்ரோம் பற்றி யாராவது சொல்லுங்களேன்.
இன்னம்பூரான்
30 03 2012
Inline image 1

Dr. Edward Beattie, Former Director of the Sloan Kettering Memorial, ...
உசாத்துணை:

renuka rajasekaran Thu, Mar 29, 2012 at 11:07 PM
To: Innamburan Innamburan
வணக்கம் 
மிகுந்த சிரத்தை எடுத்து எழுதப் பட்டிருக்கிற கட்டுரை.
நிறைய கருத்துக்கள்!
மருத்துவர்களின் அன்பிற்கும் - கடமை உணர்வுக்கும் பற்றாக்குறை ஏற்பட்டிருக்கிற காலகட்டம் இது!
மருத்துவர்கள் என்று தைரியமாக சொல்லிக்கொள்ள  முடியாமல் கன்சல்டன்ட் என்று நவ நாகரீகமாகப் பெயர் சூட்டிக்கொண்டு மருத்துவர்கள் மாறு வேடத்தில் வாழ்வதாகிறது!

இந்நாளில் பிணியாளர்கள் பாடு பெரும்பாடு!

இது ஒரு மாய்ச்சுழலாகப் போய்க் கொண்டிருக்கிறது 

இச்சூழலிலும் கூட அங்கொன்றும் இங்கொன்றுமாய் நல்ல மருத்துவர்க்ளின் மகத்தான பணி நடந்து கொண்டு தான் இருக்கிறது!

அவர்களுக்கு வந்தனம் - வாழ்த்துக்கள் - பாராட்டுக்கள் -
அவர்கள பணி தரணியில் நிலைபெறட்டும்!!  
[Quoted text hidden]
--
Renuka Rajasekaran

Geetha Sambasivam Fri, Mar 30, 2012 at 12:47 AM
To: thamizhvaasal@googlegroups.com
Cc: mintamil , Innamburan Innamburan
அனைத்து மருத்துவர்களுக்கும் வாழ்த்துகள்.

On Fri, Mar 30, 2012 at 1:19 AM, Innamburan Innamburan <innamburan@gmail.com> wrote:
அன்றொருநாள்: மார்ச் 30:
ஆமாம். கே.கே.கே.சிண்ட்ரோம் பற்றி யாராவது சொல்லுங்களேன்.
இன்னம்பூரான்
30 03 2012




திவாஜி Fri, Mar 30, 2012 at 1:26 AM
Reply-To: thamizhvaasal@googlegroups.com
To: thamizhvaasal@googlegroups.com
:-))))
அது கை கால் குடைச்சல் ஸின்ட்ரோம்!

2012/3/30 Innamburan Innamburan <innamburan@gmail.com>
கே.கே.கே.சிண்ட்ரோம்


--
http://www.swaminathar.org/
http://aanmikamforyouth.blogspot.com/
http://techforelders.blogspot.com/
[Quoted text hidden]

கி.காளைராசன் Fri, Mar 30, 2012 at 9:16 AM
To: mintamil@googlegroups.com
Cc: Innamburan Innamburan
ஐயா ‘இ‘னா அவர்களுக்கு வணக்கம்.

> மார்ச் 30, 1942:
 மயக்க மருந்து அனுபவ அறிமுகம். நம்ம வீட்டிலும் அதற்கு  > பெரிய
மதிப்பு. என்னுடைய மகனின் அந்தத்துறையில் உள்ள சாதனைகளுக்கு பல >
பாராட்டுக்கள். இருக்காதா பின்னெ? மகன் தான் தந்தைக்காற்றும் உதவியை
செய்து> விட்டானே, தன்னுடைய திறனால், இலவச வைத்தியம் அளித்து, வலி
நிவாரணம் தந்து,> சிக்கலான சூழ்நிலையில், போர்க்களத்தில், டாக்டர்களின்
தலைவன் என்று நற்பெயர்
> எடுத்து. அது மன நிறைவு,
தாய், தந்தை, மருத்துவர், ஆசிரியர் அனைவரும் கண்கண்ட தெய்வங்களே ஆவர்.

நல்லதொரு பகிர்வுக்கு நன்றியுடையேன்.
--
அன்பன்
கி.காளைராசன்

Innamburan Innamburan Fri, Mar 30, 2012 at 12:24 PM
To: thamizhvaasal@googlegroups.com
சென்னை வந்த உடன் எனக்கு முதல் அறிமுகம், திவாஜி என்ற சான்றோன். உடலை மயக்கி வைத்தியம் செய்யும் நிபுணர். மனதை மயக்கி கனிவை தரும் சான்றோன். வேத விற்பன்னர். மின்னாக்கத்தமிழர். அவரை அழைக்கும் உத்தி இந்த :-))))
அது கை கால் குடைச்சல் ஸின்ட்ரோம்! ̀ புதிர்
அதற்கு சென்னை மருத்துவக்கல்லூரியின் விளக்கம் ஒன்று. ஸ்டான்லியின் கூற்று வேறு. ஏ ஜி ஆஃபீஸ் மரபு வேறு. அதான் புதிர். ஜிப்மர் சொல்வது என்ன?
இன்னம்பூரான்
[Quoted text hidden]

திவாஜி Fri, Mar 30, 2012 at 5:00 PM
Reply-To: thamizhvaasal@googlegroups.com
To: thamizhvaasal@googlegroups.com
ஹவுஸ் சர்ஜனா இருக்கீறப்ப இந்த மாதிரி நிறைய கேஸ் ஓபி ல வரும். ஒண்ணும் புரியாது. அப்ப ந்யூரைட்டிஸ் தான் அப்படி சொல்லறாங்கன்னு புரியலை!
சீனியரை கேட்டா டேய் அது கேகேகே ஸின்ட்ரோம். பி காம்ப்லெக்ஸ் எழுதுன்னாங்க!

மத்த கல்லுரிகளில வேற இருப்பதை நான் அறியேன்!

2012/3/30 Innamburan Innamburan <innamburan@gmail.com>
அதான் புதிர். ஜிப்மர் சொல்வது என்ன?


[Quoted text hidden]




Subashini Tremmel Sat, Mar 31, 2012 at 7:32 AM
Reply-To: mintamil@googlegroups.com
To: mintamil@googlegroups.com
Cc: Subashini Kanagasundaram
எப்போதும் போல குதூகலமான தொடக்கமாகக இருக்கின்றதே என தொடர்ந்து வாசித்தால் உங்கள் துணைவியார் பற்றிய தகவல் மனதை வருத்தமுறச் செய்து விட்டது. மருத்துவர்களின் பணி வெறும் ஆப்பரேஷன் என்பதோடு நின்று விடாமல் மனதிற்கு தகுந்த தைரியமும் எப்படி நோயைக் கையாள வேண்டும் என்று தெளிவாக்கலும் மிகச் சரியாக கையாளப்படுவதும் அவசியம்.  

மென்மையாக, யாமிருக்கும் சூழ்நிலையில், குழந்தையும் அனுசரித்து நடக்க வேண்டும் என்பதை அவளுக்கு புரிய வைத்திருக்கிறார். இவர் மனிதனா? தெய்வமா? 
தெய்வம் தான்.

சுபா

Innamburan Innamburan Wed, Apr 4, 2012 at 9:35 PM
To: mintamil@googlegroups.com
ஹவுஸ் சர்ஜனா இருக்கீறப்ப இந்த மாதிரி நிறைய கேஸ் ஓபி ல வரும். ஒண்ணும் புரியாது. அப்ப ந்யூரைட்டிஸ் தான் அப்படி சொல்லறாங்கன்னு புரியலை!
சீனியரை கேட்டா டேய் அது கேகேகே ஸின்ட்ரோம். பி காம்ப்லெக்ஸ் எழுதுன்னாங்க!
மத்த கல்லுரிகளில வேற இருப்பதை நான் அறியேன்!
என்றார் திவாஜி.

~ 1. மதராஸ் மெடிக்கல் காலேஜ்: 'கேர்ரா' இருந்தா கை, கால், கொடச்சல் என்பார்கள்.  என்பார்கள். 'கேர்ரா?' என்றால் என்ன என்று திவாஜி சொல்லுவார்.
~2. ஸ்டான்லி மெடிக்கல் காலேஜ்: மனசு சரியில்லை என்றால் கூட, கை, கால், கொடச்சல் என்பார்கள்.  தீர விசாரி. கேஸ்-டேக்கிங் தான் முக்கியம். 
~ 3. ஏ.ஜி. ஆபீஸ்: லீவு லெட்டர் போட்டா, மேலதிகாரி கேள்வி கேட்கிறமாதிரி வச்சுக்கக்கூடாது. பெயின் ஆல் ஓவர் த பாடி என்று எழுதிட்டா, அவன் என்னத்தை கேட்டுக்கிழித்த்தான். கை, கால், கொடச்சல் என்று சொல்லிக்கிலாம். அந்த மாதிரி அடிக்கடி போடுவார் ஒரு பிருகிருதி. மெடிக்கல் போர்டுக்கு அனுப்பிச்சு, டாக்டர் கிட்ட வத்தி வச்சேன். அவர் மூளையை ஆபரேஷன் பண்ணனும் என்று எழுதிக்கொடுத்துட்டார். அவனுக்கு நிஜமாகவே மூளைக்குடைச்சல்!
இன்னம்பூரான்
2012/3/31 Subashini Tremmel <ksubashini@gmail.com>


S.Krishnamoorthy Thu, Apr 5, 2012 at 3:07 AM
Reply-To: mintamil@googlegroups.com
To: mintamil@googlegroups.com
'கே(g)ர்’ என்பது ஹிந்த்திச் சொல்.  கி(g)ர் என்பது கீழே விழுவதைக் குறிக்கும். தலைசுற்றல், மயக்கம் இவற்றைக் கேர் என்ற சொல் குறிக்கும்.
கேர்ராக இருக்கிறது என்ற சென்னைத் தமிழ்ச் சொல் இதைத் தான் குறிப்பிடுகிறது என்பது என் நினைப்பு.
கிருஷ்ணமூர்த்தி



Innamburan Innamburan Thu, Apr 5, 2012 at 11:54 AM
To: mintamil@googlegroups.com
எப்போதும் போல குதூகலமான தொடக்கமாகக இருக்கின்றதே என தொடர்ந்து வாசித்தால்...
~புரிதலுக்கு நன்றி, ஸுபாஷிணி.
2012/3/31 Subashini Tremmel <ksubashini@gmail.com>
எப்போதும் போல குதூகலமான தொடக்கமாகக இருக்கின்றதே என தொடர்ந்து வாசித்தால் உங்கள் துணைவியார் பற்றிய தகவல் மனதை வருத்தமுறச் செய்து விட்டது. மருத்துவர்களின் பணி வெறும் ஆப்பரேஷன் என்பதோடு நின்று விடாமல் மனதிற்கு தகுந்த தைரியமும் எப்படி நோயைக் கையாள வேண்டும் என்று தெளிவாக்கலும் மிகச் சரியாக கையாளப்படுவதும் அவசியம்.  



Innamburan Innamburan Thu, Apr 5, 2012 at 12:00 PM
To: mintamil@googlegroups.com


2012/4/4 S.Krishnamoorthy <sundara.krishnamoorthy@gmail.com>
'கே(g)ர்’ என்பது ஹிந்த்திச் சொல்.  கி(g)ர் என்பது கீழே விழுவதைக் குறிக்கும். தலைசுற்றல், மயக்கம் இவற்றைக் கேர் என்ற சொல் குறிக்கும்.
கேர்ராக இருக்கிறது என்ற சென்னைத் தமிழ்ச் சொல் இதைத் தான் குறிப்பிடுகிறது என்பது என் நினைப்பு.
கிருஷ்ணமூர்த்தி
~சரி தான், சார். அதில் பல பரிமாணங்கள் உண்டு. முக்காவாசி கற்பனை ஸூப்பர்-கேர்ர்!
 
இன்னபூரான்
 

இதுவும் ஒரு பிருகிருதி -1

இதுவும் ஒரு பிருகிருதி -1


Innamburan Innamburan 
இதுவும் ஒரு பிருகிருதி

கீதா சாம்பசிவத்துக்கு நினைவில் இருக்கலாம். அந்தக்காலத்தில் நாடோடி என்பவர் 'இதுவும் ஒரு பிருகிருதி' என்ற அருமையான நூல் ஒன்று எழுதினார்; விகடனில் தொடராகவும் வந்திருக்கலாம். இந்த பூலோகத்தில் சிருஷ்டி செய்யப்பட்ட கொனஷ்டைகளின் குணாதிசயங்களை, ஈஷ்வர கிருபையால், அழகாக விவரித்து இருந்தார். தேடினாலும் கிடைக்கவில்லை, அந்த புத்தகம். கதாநாயகர்/கி களின் ஆசைமுகமும் மறந்து போச்சு. எனவே இது புதிய வார்ப்பு:2010.

எத்தனையோ பேர் வந்து போகிறார்கள், இந்த உலக நாடக மேடையில். சிலர் சூடு போடுவார்கள்; சிலர் சுட்டுக்கொள்வார்கள். சிலர் அடிப்பார்கள்; சிலருக்கு தர்ம அடி வாங்கிக்கொள்வது வாடிக்கை. சிலர் சொற்சிலம்பம் ஆடுவார்கள்; சிலர் பேசவே தயங்குவார்கள். பட்டியலே பல பக்கங்கள் என்பதால், இத்துடன் இதை நிறுத்தி எனக்கு தெரிந்த பிருகிருதிகளை அறிமுகம் செய்து வைக்கிறேன்.

1. 'முடுக்குத்தெரு கிட்டு மாமா': அவரை  முதல் முறையாக சந்தித்தபோது, அவருக்கு நாற்பது வயது இருக்கலாம். எனக்கு 17. தருமமிகு சென்னையில் நான் கால் எடுத்து வைத்த முதல் நாள் மாலை. கபாலி கோயில் வாசல்லே, புகையிலையை குதப்பிக்கொண்டு நின்று கொண்டிருந்தார். தானாகவே முன் வந்து முகமன் கூறி அறிமுகம் செய்து கொண்டார் - என் அத்தையின் மைத்துனனின் மைத்துனன் என்று. உபயகுசலோபரி முடிந்த பிறகு, ' ரவாதோசை ன்னா கணேஷ் பவன்' என்று சப்புக்கொட்டிக்கொண்டார். நான் வழக்கம் போல அமைதி காத்தேன். 'சட்' என்று கோபித்துக்கொண்டார். 'நான் கூப்ட்றேன்; சும்மா இருக்கிறாயே' என்று செல்லமாக கண்டித்து, அழைத்துச்சென்றார். கீரை வடை, கிள்ளு பக்கோடா எல்லாம் சாப்ட்டப்பறம் தான் ரவாதோசை, டிகிரி காஃபி. சொல்லக்கூடாது. மனுஷனுக்கு என்ன வாசாலகம்!. 'அடடா! பர்ஸ் விட்டுப்போச்சே. பரவாயில்லை. நீ கொடுத்திரு. நானே கொண்டு வந்து தர்ரேன்' என்றார். இன்னி வரைக்கும் வரல்லை. படிப்பினை 1. இருந்தாலும், நான் தலையெடுத்த பிறகு, என் செலவில் அடிக்கடி சாப்பிட்டு இருக்கிறார். ஒவ்வொரு தடவையும் தவிர்க்க நினைப்பேன். நடக்காது. அப்படிப்பட்ட டிஃபன் வசீகரன் அவர். 

சுருங்கச்சொல்லின் அவருடைய பயோ டேட்டா: 
ஸ்கூலுக்கு போயிருக்கிறார். ஆனால், எஸ்.எஸ்.எல்.சி எழுதியதாக சொல்லிக்கொண்டதில்லை. அந்தக்காலத்து பீ.ஏ. தான் பீ.ஏ. என்பார், தான் ஆங்கிலம் பேசும்போதெல்லாம். வேலை ஒன்றும் தேடியதில்லை என்று பீற்றிக்கொள்வார். வேலை ஒன்றும் அவரை தேடி வரவில்லை என்பதை ஒத்துக்கொள்ளமாட்டார். மாமி வசை பாடும் போது தான் அந்த ரகசியம் வெளிவரும். ஆனா, கிட்டு மாமா எப்பவும் பிஸி. தரகு கை வந்த கலை. கமிஷனுக்காக, உன்னோட கப்பலையை வித்துருவார். மைக்கேல் மதனகாமராஜன் என்ற சினிமாவில் ஒரு பாட்டி ஒத்தரோட பல் செட்டை அபேஸ் பண்ணிடுறா. அந்த மாதிரி தன் இவரும். எல்லா கல்யாணத்துக்கும் போவார், கூப்டாட்டாக்கூட. எல்லாரும் உஷார் தான். வந்த கிஃப்ட்லெ, நாலு கடியாரம் காணாமப்போயிருக்கும். 'எதுக்கடா! அவாளுக்கு இத்தனை கடியாரம்?' என்பார். வித்துருவார். அவருடைய சாதனைகள் சொல்லி மாளாது. எல்லா சங்கீதக்கச்சேரிக்கும் போவார். அந்தக்காலத்திலே இலவசம் தான். ஒரு நாள் மிருதங்கத்தை தூக்கிண்டு வந்துட்டார்! அவருக்கே பெருமை தாங்கல்லே. அப்றம், என்னமோ மாயாஜாலம் செய்து என் அத்திம்பேர் அதை உரியவரிடம் சேர்த்து விட்டார். 

ஆனா, அடுத்த கேஸ்லெ அத்திம்பேருக்கு படு தோல்வி. எதித்தாத்து கிழம் ஒரு நா மண்டையை போட்டுடுத்து. அவா ரொம்ப பணக்காரா. இருக்கவரைக்கும் அவருக்கு தயிர் சாதம் மறுத்த அவரது திருமகன் சாங்கோபாங்கமாக அவருக்கு அபர காரியங்கள் செய்தான். தினோம் விருந்து! கூத்து! சிரிப்பு! 'சுபம்' பண்றச்ச கருமம் பண்றவன் தலெலே முண்டாசு கட்டி, மயில் தோகை பிடிக்கிறேன் பேர்வழி ன்னு அவன் கைலே கரும்பு கொடுப்பா. அன்னிக்கு ஸ்கூல்லேந்து வந்தா, எங்களுக்கு எல்லாம் குஷி: கரும்பு துண்டுகள்! கிட்டு மாமா உபயம். அத்திம்பேர் சுவத்திலே சாஞ்சு உக்காந்துட்டார், அவமானத்தாலே.
இன்னும் அவருடைய தரகு ரகசியங்கள் சொல்ல முடியவில்லை. பல பக்கங்கள் பிடிக்கும்.  எனக்கென்னமோ அவர் மேல் இரக்கம் தான். இன்னிக்கு இருந்தா, அவருக்கு எத்தனை சான்ஸ்!  ஊரை வித்திருக்கலாம்; ஏரியை வாங்கி இருக்கலாம். அதை வித்து ரண்டு ஊர் வாங்கியிருக்கலாம்.  இரண்டரை ஜீயை நாலேமுக்கால்ஜீயா வித்திருக்கலாம். மாமிக்கு வைரத்தோடு என்ன? வைரமாலையே போட்றுக்கலாம். கொடுத்து வைக்கலை பாவம். அன்னாரின் ஆத்மா சாந்தியடைக.
இன்னம்பூரான்
16 12 2010

GEETHA SAMBASIVAM Thu, Dec 16, 2010 at 3:22 PM
Reply-To: thamizhvaasal@googlegroups.com
To: thamizhvaasal@googlegroups.com
இன்னி வரைக்கும் வரல்லை.//

நச்!!!!
இரண்டரை ஜீயை நாலேமுக்கால்ஜீயா வித்திருக்கலாம். மாமிக்கு வைரத்தோடு என்ன? வைரமாலையே போட்றுக்கலாம். //

விஷயம் மெல்லன்னா வெளியே வருது! 

அன்றொரு நாள்: ஸெப்டம்பர் 22




அன்றொரு நாள்: ஸெப்டம்பர் 22
12 messages

Innamburan Innamburan Thu, Sep 22, 2011 at 6:26 AM

To: mintamil

அன்றொரு நாள்: ஸெப்டம்பர் 22
பாராசாரி குதிரை என்றால், ராஜா தேசிங்கு வருவார், நினைவில். எம்டன் கப்பல் என்றால், கேப்டன் வான் முல்லர் வருவார். இது எல்லாம் இணை பிரியா உறவுகள். இனி எம்டன் மிதவை புராணம். என்னே சாகசம்! கடல் புராணங்களில் எம்டன் உபகதை மறக்கமுடியாதது. இரண்டே மாதங்களில் (செப்டம்பர் 10 ~ நவம்பர் 9, 1914) உலக கடல் வாணிகத்தை பாடாய் படுத்தி, 24 கப்பல்களை முழுகடித்து, பத்து மிலியன் டாலர் சொத்தைப் பறித்து, சும்மாவாணும் ஸெப்டம்பர் 21, 1914 அன்று மதராஸ் பட்டினத்தின் மேல் குண்டு வீசி, பெரிய மனுஷாள் எல்லாரும், அரக்க பரக்க, ஊரை விட்டு ஓடி, நிலம், நீச்சு க்ரையமெல்லாம் அடி மட்டத்துக்கு போயி... ஏன் கேட்கிறீர்கள் போங்க.
*
ரோஜா முத்தையா ஆய்வு மையத்தில் நம்ம் ஃப்ரெண்ட் தியோடார் பாஸ்கரன் ‘எம்டனை’ பற்றி பேசுவார் என்று அழைப்பிதழ் வரதும், திவாகர் சென்னை விஜயம் பிரகடனம் ஆனதும் ஒரே சமயமா? அங்கு போய் தியோடரிடம், திவாகர் எங்கே என்றதும், அவர் முழித்தார். பிறகு எம்டன் நிஜகீர்த்தி பாடினார். வரலாற்றை பிட்டு, பிட்டு வைத்தார். எம்டனில் திரு. செண்பகராமன் பிள்ளை பயணித்தாக சான்றுகள் இல்லை என்றார். மறு நாள் திவாகரை பார்த்த போது தான் தெரிந்தது: ‘Divakar "SMS எம்டன் 22-09-1914" Published by Palaniappa Brothers, Madras 600014, India. A Tamil novel written in the background of SMS Emden's bombing of Madras Harbour in 1914 என்று. பி.கு. திவாகர் அளிப்பாராக. 
*
எம்டன் குண்டு போட்ட இடம், ஹை கோர்ட்டில். கல்வெட்டு பார்க்கவும் என்று சுருக்கமாக எழுத நினைத்தால், அதனுடைய வீர தீர பராக்ரமங்களில் ஆழ்ந்து போய் விட்டேன். எதிரியோ? உதவியோ? யாராக இருந்தால் என்ன? நாம அடக்கி வாசிச்சா, மட்டுறுத்தினால், எம்டன் புகழ் மங்கி விடுமா? என்ன? சொல்லுங்கோ, திவாகர். இது திவாகர் ஸ்பெஷல்.
*
ஆகஸ்ட் 2, 1914: சைனாவருகில் எம்டன் மிதக்கையில் முதல் உலகப்போர் பிரகடனம். எம்டன் ரெடி ஃபார் ஆக்ஷன். எம்டனின் தனிச்சிறப்பு: கெளரதை, தலைவரின் மகிமை, மாலுமிகள்/வீரர்கள் எவெரெடி.’ பீரங்கிகள் ரெடி’ ‘நீர்மூழ்கி குண்டுகள் ரெடி’ எஞ்சின் ரெடி, சங்கேதங்கள் ரெடி’ எல்லாம் ரெடி’. புறமுதுகு காட்டி ஓடுது ஒரு கப்பல். இவுக துரத்தறாக. அது ரேஜஸான் என்ற ரஷ்யகப்பல். புலி மாதிரி பாஞ்சு கடிச்சு குதறி, அடிமை கப்பலாக்கி, ஜெர்மன் கொடி ஏத்தியாச்சு. சிங்க்டோ துறைமுகத்துக்கு ‘கூம்’ கூம்’ னு சங்கு ஊதிண்டு போயாச்சு. அங்குள்ள ஜெர்மன் கப்பல் படையுடன் சேர்ந்தாச்சு. இனி திக் விஜயம் தான். ஒரு பூனைக்கு ஒன்பது தடவை உயிர் காப்பாற்றப்படுமாம். அந்த மாதிரி வந்த ஆபத்துக்கள், பனி போல் விலகின, எம்டனுக்கு. மறு நாள், ஒரு பயணிகள் கப்பல் அகப்பட்டுக்கொண்டது. இப்போது, இங்கிலாந்தும் எதிரி என்ற பிரகடனம். உடனுக்குடனே, ஜப்பானும். கேப்டன் முல்லர் ஜெர்மன் அட்மிரலின் கப்பலுக்குப்போய், எம்டனின் தனி ஆவர்த்தனத்துக்கு அனுமதி வாங்கி வந்தார். மத்ராஸ் நோக்கி விட்டோம் சவாரி! உள்ளூர எல்லாருக்கும் தெரியும். இது தான் இறுதி யாத்திரை என்று. பிரச்னை! எங்களுக்கு மூன்று சிம்ணி. பிரிட்டீஷ் கப்பல்களுக்கு இரண்டு/ நாலு. நாங்கள் மிதப்பதோ எதிரியின் பிராந்தியம். பார்த்தார் கேப்டன். நாலாவது சிம்ணி (டம்மி) அமைத்துக்கொண்டோம். பாத்தா அச்சு பிரிட்டீஷ் யார்மெளத் கப்பல்! 
வங்காள விரிகுடாவில் வந்து அடைஞ்சாச்சு. ஒரு பிரிட்டீஷ் போர்கப்பல் நிழல் மாதிரி வரது. கிட்ட வரல்லையே. அஞ்சாறு நாட்களுக்கு பிறகு சிக்கிய கப்பலை மடக்கினோம். போயும் போயும் அது இந்தியாவிலிருந்து மட்டரக நிலக்கரி சுமந்த கிரேக்கக்கப்பல். அடுத்த பலி ஒரு ஏமாந்த சோணகிரி. எம்மை பிரிட்டீஷ் கப்பல் என்று நினைத்த போக்குவரத்துக்கப்பல். பல கப்பல்கள். நிறுத்துவோம். பத்து பேர் ஏறுவோம். அடிமை அல்லது ஆழம். நாங்கள் கைது செய்த பிரிட்டீஷ்காரர்கள் மதி இழக்கவில்லை. அவர்கள் விஸ்கியை பாதுகாத்ததை சிலாகித்தோம்! விரோதம் யாதும் இல்லை.
ஒரு கேப்டன் ஜாலி. நாலு கடல்-மைல் வேகத்தில் ஒரு மணல் வாரி கப்பலை இங்கிலாந்திலிருந்து ஆஸ்ட் ரேலியாவுக்கு! படு போரடிச்சதாம். மகிழ்ச்சியுடன் சரணடைந்தார். கூலி முழுதும் அச்சாரமாக வாங்கிவிட்டார், வேறே. ஸெப்டம்பர் 18, 1914 சென்னை துறைமுகம் வந்தோம். எம்டன் காலி என்ற வதந்தியை நம்பி க்ளப்பில் கொண்டாட்டம். ‘தொப்’!  சூப்லெ குண்டு! பிரிட்டீஷ்காரனுக்கு டின்னர்னா உசிறு. தெரிஞ்சிருந்தா, அன்று தாக்கி இருக்கமாட்டோம்! இந்திய அரசுக்கு நன்றி பல. ஊர் பூரா வெளிச்சம். எண்ணை கிடங்குகளை கொளுத்திப்பிட்டோம், கொளுத்தி. அடடா! நிலக்கரி தீந்து போச்சே! இந்திய நிலக்கரி ரொம்ப புகை விடுமே. அதிருஷ்டம். ஒரு பிரிட்டீஷ் கப்பல், தரமான நிலக்கரியோட சிக்கியது. அந்த கேப்டனும் ஜாலி. ‘பிரிட்டானியா வாழ்க’ என்று பாடிக்கொண்டே எல்லாவற்றையும் கொடுத்து விட்டார்.
இருக்கிறதில் சின்ன கப்பல் எம்டன். அதை மூழ்கடிக்க 16 கப்பல்கள் சூழ்ந்து கொண்டன. அல்பாயுசு, அகால மரணம் எல்லாம் கேப்டன் சொல்லிவிட்டார். நாங்கள் கவலை படவேயில்லை. ஆறிலும் சாவு. நூறிலும் சாவு. போடா! எங்க கேப்டன் தெய்வமடா! ஒரு ஜோக் நோட் புக் வச்சுண்டு கேலி, எள்ளல் எல்லாம். நாங்கள் எல்லாரும் ஒரு அன்பு வலையில் சிக்கினோம்.  ஒரு பூனை வந்தாள். குட்டி போட்டாள்: ஐந்து. லெஃப்டினண்ட் ஷால் படுக்கையில் பிரசவம். அவரும் கனிவோடு பார்த்துக்கொண்டார். ஒரு மிருக காட்சி சாலையே வைத்திருந்தோம். பிடிபட்ட கப்பல்களிலிருந்து, இரண்டு பன்றி, ஆட்டுக்குட்டி, புறாக்கள், கோழி, வாத்து எல்லாம். ஒரு மான் கூட. எப்படி வந்தது தெரியவில்லை.
தினம் பேண்ட் வாசிக்கும். ஆடுவோம். அப்றம், கொள்ளை அடிச்சதை பங்கு போட்டுக்கொள்ளும் கண் கொள்ளாக்காட்சிகள். எத்தனை சிகரெட்! இருட்டிலே மின்மினி பூச்சி போல. ‘தண்ணி’ தண்ணி பட்ட பாடு!
இனி நவம்பர் 9, 2011 அன்று தொடரலாமா?
இன்னம்பூரான்
22 09 2011
pastedGraphic.pdf
pastedGraphic_1.pdf
oil-tanks shelled at Madras
உசாத்துணை:

dhivakar Thu, Sep 22, 2011 at 7:23 AM

Reply-To: mintamil@googlegroups.com
To: மின்தமிழ்
>>>இருக்கிறதில் சின்ன கப்பல் எம்டன். அதை மூழ்கடிக்க 16 கப்பல்கள் சூழ்ந்து
கொண்டன. அல்பாயுசு, அகால மரணம் எல்லாம் கேப்டன் சொல்லிவிட்டார். நாங்கள்
கவலை
படவேயில்லை. ஆறிலும் சாவு. நூறிலும் சாவு. போடா! எங்க கேப்டன் தெய்வமடா!
ஒரு
ஜோக் நோட் புக் வச்சுண்டு கேலி, எள்ளல் எல்லாம். நாங்கள் எல்லாரும் ஒரு
அன்பு
வலையில் சிக்கினோம்.  ஒரு பூனை வந்தாள். குட்டி போட்டாள்: ஐந்து.
லெஃப்டினண்ட்
ஷால் படுக்கையில் பிரசவம். அவரும் கனிவோடு பார்த்துக்கொண்டார். ஒரு
மிருக
காட்சி சாலையே வைத்திருந்தோம். பிடிபட்ட கப்பல்களிலிருந்து, இரண்டு
பன்றி,
ஆட்டுக்குட்டி, புறாக்கள், கோழி, வாத்து எல்லாம். ஒரு மான் கூட. எப்படி
வந்தது
தெரியவில்லை. <<<
Hats off to your 'I' sir! You gave cats' visit to Emden. Yes, that was
well mentioned by Capt. Mukke in his biography.

Compared to today's warship technology, those days, with a heavy rush
of mariners (more than 300) then and there in a small capacity vessel,
my God! how they must have worked hard and at the same time enjoyed
also.

I have visited as a visitor journalist at INS VIRAAT, Air carrier too,
three years back. I think this is the largest and biggest vessel in
Indian Navy with more than 1500 mariners.

I myself enjoyed the writing of this novel wherever mentioning Emden
ship and travelled with her too.

The Emden actual show of strength was shown in Penang, but not in
Chennai. The Penang success of Emden was a jewel in her crown.

Dhivakar


Innamburan Innamburan Thu, Sep 22, 2011 at 7:44 AM

To: mintamil@googlegroups.com
Bcc: innamburan88
நன்றி பல, திவாகர். எம்டன் என்ற உமது நூலை பற்றி எழுத நினைத்தேன். அந்த கடமையை பவளசங்கரி செய்யப்போவது தெரியாது. நல்லதே நடந்தது. நான் எம்டன் மிதவை புராணத்தில் ஆழ்ந்து விட்டேன். பெனாங்க் சாகசம் பற்றி எழுதும் வினாடியில், you and PavaLa Sankari forced my hands. கொஞ்சம் விவரமாக எழுதி, சற்றே சுருக்கியும் இன்ரு மாலை வரவேண்டிய இடுகையை 'தொடரும்' உத்தியில், காலையிலேயே, உள்ளது உள்ளபடி, பதித்துவிட்டேன். எல்லாம் திவாகர நிவாரணம் தான்.
[Quoted text hidden]

meena muthuThu, Sep 22, 2011 at 7:56 AM

Reply-To: mintamil@googlegroups.com
To: mintamil@googlegroups.com
வழக்கம்போல உங்கள் அட்டகாசமான நடையில்!ம்ம்.. 
பவளாவினது ஒருபுறம்! இங்கே மறுபுறம் நீங்கள்!
சும்மா தூள் கிளப்புறீங்க எம்டன் மாதிரி :)))


2011/9/22 Innamburan Innamburan <innamburan@gmail.com>
எம்டன் குண்டு போட்ட இடம், ஹை கோர்ட்டில். கல்வெட்டு பார்க்கவும் என்று சுருக்கமாக எழுத நினைத்தால், அதனுடைய வீர தீர பராக்ரமங்களில் ஆழ்ந்து போய் விட்டேன். எதிரியோ? உதவியோ? யாராக இருந்தால் என்ன? நாம அடக்கி வாசிச்சா, மட்டுறுத்தினால், எம்டன் புகழ் மங்கி விடுமா? என்ன? சொல்லுங்கோ, திவாகர். இது திவாகர் ஸ்பெஷல்.
*
[Quoted text hidden]

Geetha SambasivamThu, Sep 22, 2011 at 11:20 AM

Reply-To: mintamil@googlegroups.com
To: mintamil@googlegroups.com
எம்டன் குண்டு போட்டதை சென்னை உயர்நீதிமன்றத்தின் கல்வெட்டில் முதல்முதல் பெரியப்பா காட்டினார்.  வங்கிப் பரிக்ஷை எழுதச் சென்னை வந்திருந்த போது நான் கேட்டதன் பேரில் அழைத்துச் சென்று காட்டினார்.  அதைத் தொட்டுத்தடவி..... பெரியப்பாவுக்குச் சிரிப்பு!  அதே போல் தான் அன்றே சாந்தோம் சர்ச்சிற்கும் விஜயம். அங்கே வரைந்திருந்த படங்களைச் சுட்டிக்காட்டி எனக்கு நீண்ட விளக்கம் கொடுத்தார்.  முழுக்க முழுக்க  கான்வெண்ட்டில் படித்திருந்த எனக்குக் கொஞ்சம் அதிர்ச்சி எனலாம். அதன் பின்னர் பல புத்தகங்கள் தேடிப்படிக்க வாய்ப்புக் கிடைத்தது. எம்டனோடு எனக்கு ஏற்பட்ட இணைப்பு இப்படித் தான்.

அதன் பின்னர் தமிழ் மரபு அறக்கட்டளை விழாவில் எம்டன் எழுதிய எம்டனையே முதன் முதல் சந்தித்தேன்.  புத்தகமும் கிடைத்தது.  இப்போதும் எடுத்துப் படித்துக்கொள்வேன்.


திரு இன்னம்புரார் எம்டனில் தாம் மட்டுமல்லாமல் நம்மையும் பயணிக்க வைத்துவிட்டார்.  இந்த ஆழ்ந்த உணர்வுக்கு ஈடு இணை ஏதும் இல்லை.

2011/9/22 Innamburan Innamburan <innamburan@gmail.com>


தினம் பேண்ட் வாசிக்கும். ஆடுவோம். அப்றம், கொள்ளை அடிச்சதை பங்கு போட்டுக்கொள்ளும் கண் கொள்ளாக்காட்சிகள். எத்தனை சிகரெட்! இருட்டிலே மின்மினி பூச்சி போல. ‘தண்ணி’ தண்ணி பட்ட பாடு!
இனி நவம்பர் 9, 2011 அன்று தொடரலாமா?
இன்னம்பூரான்
22 09 2011
pastedGraphic.pdf
pastedGraphic_1.pdf
oil-tanks shelled at Madras
உசாத்துணை:


shylaja Thu, Sep 22, 2011 at 11:38 AM

To: mintamil@googlegroups.com
Cc: Innamburan Innamburan
அப்பாடி இவ்வளவு நடந்திருக்கா அன்னிக்கு! எம்டன் கீர்த்தி பிரமிப்பாக உள்ளது இ சார் எழுத்தில் அந்த நாளுக்கே போயிட்டமாதிரி இருக்கு..எங்கே திவாகர்  அந்த எம்டன் எனக்கும் ஒண்ணு ப்ளீஸ்...

2011/9/22 Innamburan Innamburan <innamburan@gmail.com>


Dhivakar Thu, Sep 22, 2011 at 12:32 PM

Reply-To: mintamil@googlegroups.com
To: mintamil@googlegroups.com
ஷைலஜா


நம் சுபாவின் விமர்சனத்தைக் கேட்கலாம்!!

திவாகர்
[Quoted text hidden]
Dhivakar
www.vamsadhara.blogspot.com
www.aduththaveedu.blogspot.com
[Quoted text hidden]

Innamburan Innamburan Thu, Sep 22, 2011 at 1:28 PM
To: mintamil@googlegroups.com
very very low volume, whatever I do.
i
[Quoted text hidden]

shylaja Thu, Sep 22, 2011 at 1:46 PM

Reply-To: mintamil@googlegroups.com
To: mintamil@googlegroups.com
கேட்டுட்டு வரேன் திவாகர்
[Quoted text hidden]

K R A Narasiah Thu, Sep 22, 2011 at 5:36 PM

Reply-To: mintamil@googlegroups.com
To: mintamil@googlegroups.com, 

எம்டன் நினைவு நாளான இன்று அமைதியாக அ மர்ந்து, சுபாவின் விமர்சனத்தைக் கேட்டேன். அவரது அழகான உச்சரிப்பும், கோர்வையாக் மொழியும் திறனும் கவரும் படி உள்ளது.நானும் இந்த நாவலைப் படித்து ஆச்சர்யமடைந்தவன் தான். ஆனாலும் அதைத் திறம்பட வருணிக்கையில் வேறோர் பொருளும் தெரிகிறது. அதைத் திவாகரின் கைவண்ணம் எனலாமா அல்லது சுபாவின் சொல்வண்ணம் எனலாமா என்று நிர்ணயிக்க இயலவில்லை.
ஆனாலும், திவாகரின் ஆழ்ந்த ஆய்வு ஒளிரும் இந்த புதினத்தை  அங்கங்களாகப்பிரித்து சுபா அளித்திருக்கும் விமர்சனம் போற்றுதலுக்குரியது.
நரசய்யா
[Quoted text hidden]

Subashini Tremmel Thu, Sep 22, 2011 at 6:15 PM

Reply-To: mintamil@googlegroups.com
To: mintamil@googlegroups.com
Cc: Subashini Kanagasundaram

ஞாபகப் படுத்தியமைக்கு நன்றி..:-)

கட்டுரையாகவும் எனது வலைப்பூவில் உள்ளது. இங்கே ..!

சுபா

[Quoted text hidden]

Subashini Tremmel Thu, Sep 22, 2011 at 6:19 PM

Reply-To: mintamil@googlegroups.com
To: mintamil@googlegroups.com
Cc: Subashini Kanagasundaram
மிக மகிழ்ச்சி. இந்தப் பாராட்டுதல் பெற நான் கொடுத்து வைத்திருக்கின்றேன். நன்றி. 
அருமையான நாவல் அது. என்னை இந்த நாவல் மிகப் பாதித்தது. மிகப் பிடித்துப் போனது. அதனால் இப்படி ஒரு விமர்சனம்.. மனதில் வந்ததை அப்படியே எழுதி விட்டேன்..
சுபா